រាជធានីភ្នំពេញ ៖ កាលពីថ្ងៃទី៧ កុម្ភៈ កន្លងទៅ ក្រុមយុវជនហ្វេសប៊ុក បាននាំយកថវិកាចំនួន១០មឺុនរៀលដែលទទួលបានពីមិត្តនៅក្នុងហ្វេសប៊ុក និងប្រធានសមាគមសិល្បករខ្មែរ នាំយកថវិកា សម្ភារ និងគ្រឿងឧបបរិភោគមួយចំនួនទៀតទៅជូនដល់លោកតា ផ្លុង មឿក អ្នកចម្រៀងអាយ៉ៃ ដែលកំពុងឈឺធ្ងន់ និងវង្វេងស្មារតី ។
រាជធានីភ្នំពេញ ៖ កាលពីថ្ងៃទី៧ កុម្ភៈ កន្លងទៅ ក្រុមយុវជនហ្វេសប៊ុក បាននាំយកថវិកាចំនួន១០មឺុនរៀលដែលទទួលបានពីមិត្តនៅក្នុងហ្វេសប៊ុក និងប្រធានសមាគមសិល្បករខ្មែរ នាំយកថវិកា សម្ភារ និងគ្រឿងឧបបរិភោគមួយចំនួនទៀតទៅជូនដល់លោកតា ផ្លុង មឿក អ្នកចម្រៀងអាយ៉ៃ ដែលកំពុងឈឺធ្ងន់ និងវង្វេងស្មារតី ។
ដោយមើលឃើញពីការលំបាករបស់បងប្អូនទូទៅដែលជាអ្នកក្រីក្រលំបាក ទើបក្រុមយុវជនហ្វេសប៊ុក ធ្វើការរៃអង្គាសពីបងប្អូន ជាមិត្តក្នុងហ្វេសប៊ុក ដើម្បីជួយដល់ពួកគាត់ ទោះជាការជួយនេះ មិនបានច្រើនក្តី ប៉ុន្តែក៏សបញ្ជាក់ពីសេចក្តីស្រឡាញ់បងប្អូនជាខ្មែរដូចគ្នា ហើយបានយកប្រព័ន្ធទំនាក់ទំនងសង្គមមួយនេះ ធ្វើជាកម្មវិធីមនុស្សធម៌ និងជាប្រយោជន៍មួយដល់សង្គមជាតិ ។ សូមបញ្ជាក់ថា ក្រុមយុវជនហ្វេសប៊ុក គឺជាក្រុមមួយនៅក្នុងប្រព័ន្ធទំនាក់ទំនងហ្វេសប៊ុក មិនមែនជាអង្គការសមាគម ឬជាក្រុមអ្វីទៀតផ្សេងឡើយ ។
ដោយឡែក កាលពីរសៀលថ្ងៃសៅរ៍ ទី៨ កុម្ភៈ ក្រុមយុវជនហ្វេសប៊ុក បានទៅជួបសិស្សក្រីក្រចំនួន៣០នាក់ រៀនផ្នែកល្ខោនបាសាក់ នៅសាលាមធ្យមសិក្សាវិចិត្រសិល្បៈ ក្នុងគោលបំណងដើម្បីចង់ដឹងពីទុក្ខលំបាករបស់ពួកគេ ។ ក្រោយពីបានសំណេះសំណាលរួចមក ក្រុមយុវជនហ្វេសប៊ុក បានទទួលសំណូមពរមួយចំនួនដូចជា ៖
១-ខ្វះខាតសម្ភារសិក្សា
២-ខ្វះខាតស្បែកជើងបាតា (៦ដុល្លារ) និងសម្លៀកបំពាក់ពេលហ្វឹកហាត់ (បោះពុម្ពអាវយឺត)
៣-ថ្នាំសង្កូវពេលឈឺថ្កាត់ម្តងៗ
៤-កន្ទេល មុង ភួយ ដាច់រហែក ដោយសារប្រើយូរឆ្នាំមកហើយ
៥-ចង់រៀនគួរភាសាអង់គ្លេសសម្រាប់ថ្ងៃសៅរ៍ និងអាទិត្យ (ក្នុងម្នាក់ ១២.០០០រៀល/មួយខែ ហើយសិស្សភាគច្រើនជំពាក់គ្រូ ដោយពីរបីខែទើបបង់លុយម្តង ព្រោះខ្វះខាតពេក)
៦-បន្ទប់ស្នាក់នៅរួម ក្តៅហប់ ព្រោះកង្ហារខូចអស់
៧-សុំធ្វើរោងចង្ក្រានមួយ តម្លៃប្រហែល២៥០ដុល្លារ ព្រោះសព្វថ្ងៃដាំស្លនៅក្នុងបន្ទប់ស្នាក់នៅរួមតែម្តង
៨-ខ្វះខាតអាហារប្រចាំថ្ងៃ (រៃលុយគ្នាម្នាក់៥០០រៀល ឬ១.០០០រៀល ដើម្បីទិញម្ហូប) ។
ក្រុមយុវជនហ្វេសប៊ុកបានផ្តល់ជាថវិកាបន្តិចបន្តួចចំនួន១០មុឺនរៀល សម្រាប់រយៈពេល១ឆ្នាំ ក្នុងឆ្នាំ២០១៤នេះ ជួយដល់សិស្សក្រីក្រ គ្រាន់ដោះស្រាយបន្ទុកបានខ្លះ ហើយថវិកាទាំងនេះគឺទទួលបានពីមិត្តភក្តិក្នុងហ្វេសប៊ុកនាពេលកន្លងមក ។ ពួកគេសង្ឃឹមថា នឹងមានមិត្តក្នុងហ្វេសប៊ុកដទៃទៀត ជួយឧបត្ថម្ភជាស្បៀងអាហារ និងថវិកាទៅតាមសទ្ធាជ្រះថ្លា ដើម្បីជួយដល់ពួកគេដែលជាទំពាំងស្នងឫស្សីនៃសិល្បៈ-វប្បធម៌ខ្មែរកុំឱ្យវិនាសសូន្យបង់ ៕
ចែករំលែកព័តមាននេះ