ខេត្តព្រះវិហារ ៖ លោកយាយចំណាស់ក្រីក្រម្នាក់ ស្រែកយំននៀលដី សុំអន្តរាគមន៍ពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជួយរកយុត្តិធម៌ដល់រូបគាត់ បន្ទាប់ពីសមត្ថកិច្ចចុះរុះរើលំនៅឋានរបស់គាត់ ខណៈពេលដែលតុលាការកំពូលប្រកាសសាលក្រមឱ្យលោកយាយចាញ់ក្តីជាមួយមន្ទីរសុខាភិបាលខេត្ត ពាក់ព័ន្ធនឹងរឿងជម្លោះដីធ្លី ។
ខេត្តព្រះវិហារ ៖ លោកយាយចំណាស់ក្រីក្រម្នាក់ ស្រែកយំននៀលដី សុំអន្តរាគមន៍ពីសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ជួយរកយុត្តិធម៌ដល់រូបគាត់ បន្ទាប់ពីសមត្ថកិច្ចចុះរុះរើលំនៅឋានរបស់គាត់ ខណៈពេលដែលតុលាការកំពូលប្រកាសសាលក្រមឱ្យលោកយាយចាញ់ក្តីជាមួយមន្ទីរសុខាភិបាលខេត្ត ពាក់ព័ន្ធនឹងរឿងជម្លោះដីធ្លី ។
បើតាមសេចក្តីរាយការណ៍បានឱ្យដឹងថា នៅវេលាម៉ោង៩និង៤៥នាទីព្រឹកថ្ងៃទី១១ កុម្ភៈ ២០១៤ កម្លាំងសមត្ថកិច្ច នគរបាលជាច្រើននាក់ ដឹកនាំដោយលោកព្រះរាជអាជ្ញារងខេត្តម្នាក់ បានចុះរុះរើលំនៅឋានរបស់លោកយាយនៅជាប់នឹងរបងមន្ទីរសុខាភិបាលខេត្ត ស្ថិតក្នុងភូមិអណ្តូងពោធិ៍ សង្កាត់កំពង់ប្រណាក ក្រុងព្រះវិហារ ។
សេចក្តីរាយការណ៍បន្តថា ក្នុងការចុះរុះរើនោះ លោកយាយបានប្រវាយប្រតប់ជាមួយកម្លាំងសមត្ថកិច្ច និងដេកយំននៀលដី រហូតសមត្ថកិច្ចចាប់បីលោកយាយដាក់ក្នុងឡាន ព្រមទាំងវាយខ្នោះកូនស្រីរបស់លោកយាយម្នាក់ ដែលកំពុងមានផ្ទៃពោះផង ចាប់បញ្ជូនទៅស្នងការដ្ឋាននគរបាលខេត្ត ៕
ចែករំលែកព័តមាននេះ