យោងតាមគេហទំព័របរទេសចេញផ្សាយ កាលពីពេលថ្មីៗនេះបានឱ្យដឹងថា ក្រុមហ៊ុនដឹកជញ្ជូនផ្លូវអាកាសរបស់ភូមាបានចុះកិច្ចសន្យាជាមួយក្រុមហ៊ុនអាមេរិក GE Capital ដើម្បីជួលយន្តហោះប្រភេទ Boeing ចំនួន១០គ្រឿង ក្នុងតម្លៃជិត១ពាន់លានដុល្លារដើម្បីជំរុញ និងបង្កើនវិស័យដឹកជញ្ជូនតាមផ្លូវអាកាសឱ្យកាន់តែធំទូលាយជាងមុន ។
យោងតាមគេហទំព័របរទេសចេញផ្សាយ កាលពីពេលថ្មីៗនេះបានឱ្យដឹងថា ក្រុមហ៊ុនដឹកជញ្ជូនផ្លូវអាកាសរបស់ភូមាបានចុះកិច្ចសន្យាជាមួយក្រុមហ៊ុនអាមេរិក GE Capital ដើម្បីជួលយន្តហោះប្រភេទ Boeing ចំនួន១០គ្រឿង ក្នុងតម្លៃជិត១ពាន់លានដុល្លារដើម្បីជំរុញ និងបង្កើនវិស័យដឹកជញ្ជូនតាមផ្លូវអាកាសឱ្យកាន់តែធំទូលាយជាងមុន ។
លោក Derek Mitchel ឯកអគ្គរដ្ឋទូតអាមេរិកប្រចាំប្រទេសភូមា បានចាត់ទុកកិច្ចព្រមព្រៀងនេះថាជាការលក់ពាណិជ្ជកម្មដ៏ធំបំផុត ដោយក្រុមហ៊ុនអាមេរិកប្រចាំនៅប្រទេសភូមា ដើម្បីចងសម្ព័ន្ធមេត្រីភាពរវាងប្រទេសទាំង២ ។ ក្នុងកិច្ចព្រមព្រៀងនេះក៏បានបញ្ជាក់ដែរថា ក្រុមហ៊ុនអាកាសចរណ៍ភូមានឹងជួលយន្តហោះ ប្រភេទថ្មី Boeing 737 ចំនួន១០គ្រឿងពីក្រុមហ៊ុន GE Capital Aviation Service (GECAS) ដែលជាស្ថាប័នជួល និងធ្វើពាណិជ្ជកម្មផ្នែកយន្តហោះដ៏ធំរបស់ក្រុមហ៊ុនអាមេរិក General Electric ។
នៅក្នុងសេចក្តីថ្លែងការណ៍យន្តហោះទាំង១០គ្រឿងនេះ ត្រូវបានចែកចេញជា២ប្រភេទគឺ ប្រភេទ៧៣៧-៨០០ មានចំនួន៦គ្រឿង និងប្រភេទ៧៣៧-Max មានចំនួន៤គ្រឿង ។ យន្តហោះទាំង១០គ្រឿងនេះ នឹងបញ្ជូនពីសហរដ្ឋអាមេរិកក្នុងខែមិថុនា ឆ្នាំ២០១៥ ព្រមទាំងបញ្ចប់នៅឆ្នាំ២០២០ផងដែរ ។ តម្លៃសរុបរបស់យន្តហោះទាំងអស់នោះគឺ៩៦០លានដុល្លារ ដែលតួលេខនេះត្រូវបានកំណត់ទុកក្នុងបញ្ជី ។ តាមរយៈការបើកចំហរទូលាយលើវិស័យដឹកជញ្ជូនតាមអាកាសនេះ នឹងធ្វើឱ្យប្រទេសភូមាទទួលបានកំណើនលំហូរសេដ្ឋកិច្ចបានមួយកម្រិតទៀតតាមរយៈអាកាសចរណ៍ភូមា Myanmar Air ដែលត្រូវបានបង្កើតឡើង កាលពីឆ្នាំ១៩៤៨ ហើយពេលបច្ចុប្បន្ននេះកំពុងប្រើប្រាស់ជើងហោះហើរ Fokker F28 និង ATR ។
លោក Norman Liu ជាប្រធាន និងនាយកប្រតិបត្តិរបស់ក្រុមហ៊ុន GECAS និយាយក្នុងសេចក្តីថ្លែងការណ៍ថា យើងសប្បាយរីករាយចំពោះក្រុមហ៊ុន GE Capital ដែលបានសហការគ្នាយា៉ងល្អជាមួយអាកាសចរណ៍ភូមាក្នុងការផ្តល់ប្រភេទយន្តហោះ Boeing ជំនាន់ថ្មីនេះ ។
លោកបន្តថា នេះជាទស្សនវិស័យដ៏មានសារសំខាន់មួយចំពោះការដឹកជញ្ជូនតាមផ្លូវអាកាស និងការអភិវឌ្ឍឧស្សាហកម្មអាកាសចរណ៍របស់ប្រទេសភូមាផងដែរ ។ លោក Nyan Htun Augn រដ្ឋមន្ត្រីទទួលបន្ទុកក្រសួងសាធារណការ និងដឹកជញ្ជូនមានប្រសាសន៍ថា ប្រភេទយន្តហោះថ្មីៗទាំងអស់នេះ នឹងត្រូវបានដាក់ប្រើប្រាស់ក្នុងជើងហោះហើរទៅកាន់ប្រទេសជប៉ុនភាគខាងកើត និងប្រទេសកូរ៉េខាងត្បូងផងដែរ៕
ចែករំលែកព័តមាននេះ