ខេត្តព្រះសីហនុ ៖ កម្មករ-កម្មការិនីរបស់រោងចក្រ R.T.I ជាង១ពាន់នាក់ បាននាំគ្នាធ្វើកូដកម្មមិនព្រមចូលធ្វើការដើម្បីទាមទារលក្ខខណ្ឌឱ្យរោងចក្របញ្ឈប់ប្រធានផ្នែករដ្ឋបាល កាលពីព្រឹកថ្ងៃទី11 កុម្ភៈ ២០១៤ នេះ ស្ថិតនៅចំណុចភូមិពូធឿង ឃុំបិទត្រាង ស្រុកព្រៃនប់ ខេត្តព្រះសីហនុ ។
ខេត្តព្រះសីហនុ ៖ កម្មករ-កម្មការិនីរបស់រោងចក្រ R.T.I ជាង១ពាន់នាក់ បាននាំគ្នាធ្វើកូដកម្មមិនព្រមចូលធ្វើការដើម្បីទាមទារលក្ខខណ្ឌឱ្យរោងចក្របញ្ឈប់ប្រធានផ្នែករដ្ឋបាល កាលពីព្រឹកថ្ងៃទី11 កុម្ភៈ ២០១៤ នេះ ស្ថិតនៅចំណុចភូមិពូធឿង ឃុំបិទត្រាង ស្រុកព្រៃនប់ ខេត្តព្រះសីហនុ ។
ប្រភពពីកម្មករបានឱ្យដឹងថា ការទាមទារនោះ គឺដោយសារប្រធានរដ្ឋបាលរូបនោះ មិនមានតម្លាភាពក្នុងការបំពេញការងារ, កាត់លុយមិនត្រឹមត្រូវ និងកេងប្រវ័ញ្ចប្រាក់ថែមម៉ោងរបស់ពួកគាត់ទៀត ។ ប្រភពបានបន្តថា ប្រសិនជាខាងរោងចក្រមិនជួយរកដំណោះស្រាយឱ្យពួកគាត់ទេ ពួកគាត់មិនព្រមចូលធ្វើការជាដាច់ខាត ។
ទោះជាយ៉ាងណា គេនៅពុំទាន់ឃើញតំណាងរោងចក្រចេញមកដោះស្រាយនៅឡើយ ខណៈដែលរោងចក្រមិនព្រមឱ្យចូលជួប ចំណែកឯខាងកម្លាំងសមត្ថកិច្ចវិញ កំពុងព្យាយាមការពារសណ្តាប់ធ្នាប់ និងសុវត្ថិភាពរបស់ពួកគាត់ផងដែរ ។
ចែករំលែកព័តមាននេះ