ខេត្តបន្ទាយមានជ័យ ៖ បុរសចំណាស់ម្នាក់បានរងរបួសធ្ងន់ ដោយសារតែងោកងុយដេកពេលជិះម៉ូតូម្នាក់ឯង ដួលបោកនឹងផ្លូវជាតិលេខ៦ កាលពីម៉ោង ៩ និង ៣០នាទី ព្រឹកថ្ងៃទី១០ កុម្ភៈ ២០១៤ នៅចំណុចភូមិសាលាក្រៅ សង្កាត់ភ្នៀត ក្រុងសិរីសោភ័ណ។
ខេត្តបន្ទាយមានជ័យ ៖ បុរសចំណាស់ម្នាក់បានរងរបួសធ្ងន់ ដោយសារតែងោកងុយដេកពេលជិះម៉ូតូម្នាក់ឯង ដួលបោកនឹងផ្លូវជាតិលេខ៦ កាលពីម៉ោង ៩ និង ៣០នាទី ព្រឹកថ្ងៃទី១០ កុម្ភៈ ២០១៤ នៅចំណុចភូមិសាលាក្រៅ សង្កាត់ភ្នៀត ក្រុងសិរីសោភ័ណ។
លោកអនុសេនីយ៍ឯក សោម សារ៉េត អធិការរងនគរបាលក្រុងសិរីសោភ័ណ បានឲ្យដឹងថា ជនរងគ្រោះមានឈ្មោះ អ៊ួម មុំ ភេទប្រុស អាយុ ៥១ឆ្នាំ មានទីលំនៅខេត្តសៀមរាប និងមានស្រុកកំណើតនៅខេត្តបាត់ដំបង។ ជនរងគ្រោះធ្វើដំណើរទិសដៅពីលិចទៅកើតឆ្ពោះទៅកាន់ខេត្តសៀមរាប ដោយបើកបរម៉ូតូតែម្នាក់ឯង ជិះម៉ូតូម៉ាកហុងដាវ៉េវ ពណ៌ខ្មៅលាយក្រហម ពាក់ស្លាកលេខ បាត់ដំបង ១B-០៨៨៣។
ជនរងគ្រោះត្រូវអ្នកសង្គ្រោះ និងនគរបាល នាំមកពិនិត្យសង្គ្រោះនៅមន្ទីរពេទ្យបង្អែកក្រុងសិរីសោភ័ណ។ តាមការសាកសួររបស់សមត្ថកិច្ច ជនរងគ្រោះបាននិយាយថា គាត់មកពីស្រុកកំណើតឯខេត្តបាត់ដំបង ហើយធ្វើដំណើរត្រលប់ទៅលំនៅដ្ឋានខេត្តសៀមរាបវិញ ពេលបើកដល់ចំណុចកើតហេតុ ស្រាប់តែគាត់មានការងងុយដេកលក់មួយភាំង ស្រាប់តែម៉ូតូដួលបណ្តាលឲ្យគាត់រងរបួសតែម្តង៕
ចែករំលែកព័តមាននេះ