រាជធានីភ្នំពេញ ៖ ថ្លែងក្នុងពិធីប្រកាសព័ត៌មាននៅព្រឹកថ្ងៃទី១០ កុម្ភៈ លោកឧត្តមសេនីយ៍ឯក ម៉ក់ ជីតូ ប្រធាននាយកដ្ឋានកណ្តាលនគរបាលយុត្តធម៌ក្រសួងមហាផ្ទៃ បានឱ្យដឹងថា សមត្ថកិច្ចនៅមិនទាន់បិទការសើុបអង្កេតលើករណីចោរលួចព្រះសុវណ្ណកោដ្ឋនៅឡើយទេពោលគឺនៅតែបន្តតាមចាប់ខ្លួនបក្សពួក និងអ្នកសមគំនិតទទួលផលចោរកម្មតទៅទៀត ។
រាជធានីភ្នំពេញ ៖ ថ្លែងក្នុងពិធីប្រកាសព័ត៌មាននៅព្រឹកថ្ងៃទី១០ កុម្ភៈ លោកឧត្តមសេនីយ៍ឯក ម៉ក់ ជីតូ ប្រធាននាយកដ្ឋានកណ្តាលនគរបាលយុត្តធម៌ក្រសួងមហាផ្ទៃ បានឱ្យដឹងថា សមត្ថកិច្ចនៅមិនទាន់បិទការសើុបអង្កេតលើករណីចោរលួចព្រះសុវណ្ណកោដ្ឋនៅឡើយទេពោលគឺនៅតែបន្តតាមចាប់ខ្លួនបក្សពួក និងអ្នកសមគំនិតទទួលផលចោរកម្មតទៅទៀត ។
លោកឧត្តមសេនីយ៍ឯក ម៉ក់ ជីតូ ថ្លែងថា ថ្ងៃនេះយើងជួបជុំគ្នាមិនមែនជាសន្និសីទកាសែតអ្វីទេ គ្រាន់តែជាការប្រកាសព័ត៌មាន ក៏ដូចជម្រាបជូនឱ្យច្បាស់លាស់ពាក់ព័ន្ធនឹងបញ្ហាស្រាវជ្រាវសើុបអង្កេតរកឃើញព្រះសុវណ្ណកោដ្ឋតម្កល់ព្រះបរមសារីរិកធាតុដែលចោរលួចទៅនោះ ។ ក្នុងនាមសមត្ថកិច្ច សូមថ្លែងអំណរគុណណាស់ដែលអ្នកសារព័ត៌មានបានអញ្ជើញមកទីនេះ ដើម្បីធ្វើការបំភ្លឺដល់សាធារណមតិ ក៏ដូចជាអន្តរជាតិបានជ្រាបពាក់ព័ន្ធបញ្ហានេះដែលប្រជាពលរដ្ឋកម្ពុជាក្នុងប្រទេស និងក្រៅប្រទេស អ្នកកាន់ព្រះពុទ្ធសាសនា ទាំងព្រះសង្ឃកំពុងយកចិត្តទុកដាក់ណាស់ជុំវិញបញ្ហានេះ ។ ដូច្នេះយើងចង់បញ្ជាក់ឱ្យច្បាស់ដើម្បីកុំឱ្យមាន ការស្រពេចស្រពឹលតទៅទៀត ។
លោកថ្លែងថា ដំបូងបង្អស់សូមជម្រាបជូនអំពីសកម្មភាពចោរគាស់ទ្វារព្រះសក្យមុនីចេតីយ ហើយលួចយកព្រះសុវណ្ណកោដ្ឋតម្កល់ព្រះបរមសារីរិកធាតុ និងព្រះពុទ្ធបដិមាជាច្រើនអង្គ កាលពីថ្ងៃទី១០ ធ្នូ ឆ្នាំ២០១៣ កន្លងទៅនេះ។ តាមពិតទៅក្រោយពីការស្រាវជ្រាវ គឺចោរចង់លួចមុនថ្ងៃទី១០ ធ្នូ នោះទៅទៀត គឺថ្ងៃទី៩ ធ្នូ ចោរចូលលួចទៅហើយ ។ ក្រោយពីកើតសភាពការណ៍នេះ ទាំងថ្នាក់ដឹកនាំរដ្ឋាភិបាល ទាំងថ្នាក់ដឹកនាំក្រសួងមហាផ្ទៃ អគ្គស្នងការនគរបាលជាតិ លោកបានណែនាំ និងចាត់តាំងឱ្យយើងធ្វើយា៉ងណារកឱ្យឃើញ ។
លោកឧត្តមសេនីយ៍ឯកថ្លែងថា ការយកចិត្តទុកដាក់របស់ថ្នាក់ដឹកនាំ បានជំរុញឱ្យសមត្ថកិច្ចទាំងនាយកដ្ឋាននគរបាលព្រហ្មទណ្ឌ និងខេត្តទូទាំងប្រទេសរួមគ្នាសើុបអង្កេតឱ្យបានស៊ីជម្រៅបំផុត ។ ក្រោយពីកើតរឿងនេះភ្លាម ក្នុងនាមរូបលោកជាប្រធាននាយកដ្ឋានកណ្តាលនគរបាលយុត្តិធម៌ ត្រូវបានលោកនាយឧត្តមសេនីយ៍ នេត សាវឿន អគ្គស្នងការនគរបាលជាតិ ចាត់តាំងឱ្យបង្កើតគណៈកម្មការស្រាវជ្រាវមួយដើម្បីបើកការសើុបអង្កេតលើករណីនេះ ដោយលោកឧត្តមសេនីយ៍ទោ អិុន បូរ៉ា ប្រធាននាយកដ្ឋាននគរបាលព្រហ្មទណ្ឌជាប្រធាន ស្នងការនគរបាលខេត្តកណ្តាល ជាអនុប្រធាន និងអនុប្រធាននាយកដ្ឋានព្រហ្មទណ្ឌមួយចំនួនជាអនុប្រធាន ព្រមទាំងអស់លោកមួយចំនួនទៀតដែលជាមន្ត្រីជំនាញ ។ ដំបូងបង្អស់យើងបានប្រើប្រាស់ការងាររួមទាំងបច្ចេកទេសវិទ្យាសាស្ត្រ ទាំងជំនាញនគរបាល ជាពិសេស យើងបានបំផុសចលនាមហាជនទូទាំងប្រទេស សមត្ថកិច្ចនគរបាលត្រូវផ្សព្វផ្សាយឱ្យជួយស្រាវជ្រាវរកតាមច្រកទ្វារព្រំដែនតាមច្រកទ្វារអន្តរជាតិ ក៏ដូចមូលដ្ឋានទាំងអស់ ។
លោកថ្លែងទៀតថា ក្រោយពីយើងស្រាវជ្រាវជាជំហានដំបូងតាមបច្ចេកទេសវិទ្យាសាស្ត្រ យើងរកខ្ចៅដៃជនសង្ស័យចំនួន៥នាក់ដែលបានឃាត់ខ្លួនបញ្ជូនទៅតុលាការខេត្តកណ្តាលហើយ ១-ឈ្មោះ ខាត់ សុខែម ២-ឈ្មោះ ចន ផៃ ៣-ឈ្មោះ សៀង សារិន ៤-ឈ្មោះ កើត សាន់ និង៥-ឈ្មោះ កាន់ ភក្តី ពួកគេជាឆ្មាំយាមនៅកន្លែងនោះ ។ អ្វីដែលយើងចាប់អារម្មណ៍ គឺស្នាមជើងគាត់ ទី២-នៅពេលដែលយើងឆែកឆេរផ្ទះឈ្មោះ ខាត់ សុខែម យើងរកឃើញព្រះពុទ្ធរូប និងបដិមា៣៣មុខដែលគាត់លួចយកចេញពីព្រះសក្យមុនីចេតិយ ពេលនេះពួកគេកំពុងរង់ចាំតុលាការបើកសវនាការ ។
លោកឧត្តមសេនីយ៍ឯក ម៉ក់ ជីតូបានមានប្រសាសន៍ថា បន្តមកទៀតពាក់ព័ន្ធនឹងរឿងក្រោយនេះដែលយើងរកឃើញ ចង់ជម្រាបជូនថា នេះជាការយកចិត្តទុកដាក់របស់ថ្នាក់ដឹកនាំ និងជាការអនុវត្តតាមផែនការភូមិឃុំមានសុវត្ថិភាព ព្រមទាំងបានប្រើប្រាស់កម្លាំងចំហ និងសម្ងាត់ដើម្បីស្រាវជ្រាវករណីនេះ ៕
ចែករំលែកព័តមាននេះ