រាជធានីភ្នំពេញ ៖ សពបុរសម្នាក់ ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ កាលពីវេលាម៉ោង២និង៣០នាទីរសៀលថ្ងៃទី០៩ កុម្ភៈ ២០១៤ នៅក្នុងភូមិកោះដាច់ សង្កាត់កោះដាច់ ខណ្ឌប្ញស្សីកែវ ដោយមិនត្រូវបានគេស្គាល់អត្តសញ្ញាណឡើយ ។
រាជធានីភ្នំពេញ ៖ សពបុរសម្នាក់ ត្រូវបានប្រជាពលរដ្ឋប្រទះឃើញអណ្តែតទឹកទន្លេមេគង្គ កាលពីវេលាម៉ោង២និង៣០នាទីរសៀលថ្ងៃទី០៩ កុម្ភៈ ២០១៤ នៅក្នុងភូមិកោះដាច់ សង្កាត់កោះដាច់ ខណ្ឌប្ញស្សីកែវ ដោយមិនត្រូវបានគេស្គាល់អត្តសញ្ញាណឡើយ ។
សពបុរសនោះមានអាយុប្រមាណជិត៤០ឆ្នាំ ហើមស្អុយរលួយស្ទើរមើលមុខលែងស្គាល់ទៅហើយ បានអណ្តែតតាមខ្សែទឹកហូរ ដោយមានកានចំណុះ៣០លីត្រចងភ្ជាប់នឹងអាវយឺតផងដែរ ។
មន្ត្រីនគរបាលមូលដ្ឋានបានឱ្យដឹងថា នៅវេលារសៀលថ្ងៃកើតហេតុ ប្រជាពលរដ្ឋបានធ្វើដំណើរឆ្លងតាមមាត់ច្រាំងទន្លេ ក៏បានប្រទះឃើញសពបុរសម្នាក់ចម្ងាយប្រមាណ១០ម៉ែត្រពីច្រាំង ដោយមានកានចងភ្ជាប់ជាមួយ ហើយបានរាយការណ៍ប្រាប់នគរបាលមូលដ្ឋានទាញចូលខាង ដើម្បីត្រួយពិនិត្យ ។ នៅរសៀលនោះ សមត្ថកិច្ចបានចុះទៅពិនិត្យរកពុំឃើញមានស្លាកស្នាម ឫបណ្ណសម្គាល់ខ្លួនអ្វីឡើយ ។
សមត្ថកិច្ចសន្និដ្ឋានថា ការស្លាប់របស់បុរសនោះ ដោយសារលង់ទឹក មិនមែនជាករណីឃាតកម្មនោះឡើយ ។ សពត្រូវបាននគរបាលយកទៅតម្កល់នៅឈាបនដ្ឋានវត្តពុំពេជ្រ ក្នុងសង្កាត់កោះដាច់ ដើម្បីរង់ចាំបងប្អូនយកទៅធ្វើបុណ្យតាមប្រពៃណី ៕
ចែករំលែកព័តមាននេះ