រាជធានីភ្នំពេញ៖​ ក្រុមប្រជាពលរដ្ឋ​អតីតតំបន់បឹងកក់​ប្រមាណ៥០នាក់​ នៅព្រឹកថ្ងៃទី១០​ កុម្ភៈ ២០១៤ ​បានប្រមូលផ្តុំគ្នា​នៅទីស្តីការក្រសួងយុត្តិធ៌ម​ប្រយោជន៏​ដើម្បីទាមទារ​ឲ្យមានការ​ដោះលែង​ លោក ចាន់ ពុទ្ឋិស័ក្ត ​សកម្មជនដីធ្លី​របស់ខ្លួន ។

បើតាមអ្នកឆ្លើយឆ្លើង​ព័ត៌មាន​កោះសន្តិភាព​បានបញ្ជាក់ឲ្យដឹងដែរថា ​នៅខាងមុខទីស្តីការ​ក្រសួងយុត្តិធ៌មនោះដែរ​ ក្រុមប្រជាពលរដ្ឋ​ទំាងនោះបាននំាគ្នាស្រែកតវ៉ា​ និង លោកបដា​​ ដែលមានខ្លឹមសារ​ឲ្យក្រសួង​យុត្តិធ៌មអន្តរាគមន៏​ឲ្យមានការ​ដោះលែង​លោក ចាន់ ពុទ្ឋិស័ក្ត ។ ​

ចំណែកសមត្ថកិច្ចមួយ​ចំនួននោះវិញ​ ក៏ត្រូវបានគេដាក់ត្រៀមរៀបចំ​សណ្តាប់ធ្នាប់​ និងសន្តិសុខសង្គមផងដែរ ។​ យ៉ាងណាក៏ដោយ​មកដល់៩និង៨នាទី​ព្រឹកថ្ងៃចន្ទដដែលនេះ ​ពុំមានអំពើហិង្សា​ណាមួយ​កើតមាននៅ​ឡើយទេ ៕