រាជធានីភ្នំពេញ ៖ កងរាជអាវុធហត្ថ និងនគរបាលរាជធានីភ្នំពេញ កាលពីថ្ងៃទី៨ កុម្ភៈ ២០១៤ បានសហការគ្នាបង្ក្រាបក្រុមជនសង្ស័យប្លន់ប្រដាប់អាវុធ១ក្រុមមានចំនួន៨នាក់ ក្នុងនោះមានប្រុស៦នាក់ និងស្រី២នាក់ ដកហូតបានម៉ូតូ៣គ្រឿង និងសម្ភារមួយចំនួន ព្រមទាំងឧបករណ៍ធ្វើសកម្មភាពផងដែរ ។
រាជធានីភ្នំពេញ ៖ កងរាជអាវុធហត្ថ និងនគរបាលរាជធានីភ្នំពេញ កាលពីថ្ងៃទី៨ កុម្ភៈ ២០១៤ បានសហការគ្នាបង្ក្រាបក្រុមជនសង្ស័យប្លន់ប្រដាប់អាវុធ១ក្រុមមានចំនួន៨នាក់ ក្នុងនោះមានប្រុស៦នាក់ និងស្រី២នាក់ ដកហូតបានម៉ូតូ៣គ្រឿង និងសម្ភារមួយចំនួន ព្រមទាំងឧបករណ៍ធ្វើសកម្មភាពផងដែរ ។
កិច្ចប្រតិបត្តិការនេះ បានធ្វើឡើងនៅក្នុងភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ដែលជាប្រតិបត្តិការមួយធ្វើឡើង ក្រោយពីក្រុមចោរធ្វើសកម្មភាពប្លន់ជនរងគ្រោះឈ្មោះ ខា សុឃីម ជាអ្នកម៉ៅការសំណង់ យកម៉ូតូ១គ្រឿងម៉ាក CBR តែមិនបានសម្រេច ។ ទោះជាយ៉ាងណា ជនរងគ្រោះត្រូវចោរបាញ់១គ្រាប់ចំកំប៉េះគូទ បណ្តាលឱ្យរងរបួសជាទម្ងន់ត្រូវបញ្ជូនទៅកាន់មន្ទីរពេទ្យ ។ ក្រោយពីចាប់ឃាត់ខ្លួន ជនសង្ស័យទាំង៨នាក់ត្រូវបាននាំទៅសាកសួរនៅបញ្ជាការដ្ឋានកងរាជអាវុធហត្ថរាជធានីភ្នំពេញ ហើយសមត្ថកិច្ចបាននិងកំពុងស្រាវជ្រាវតាមរកបក្ខពួកបន្តទៀត ដូច្នេះព័ត៌មានលម្អិតមន្ត្រីសមត្ថកិច្ចមិនទាន់ទម្លាយជាផ្លូវការទេ ។
លោកវរសេនីយ៍ឯក ពូ ដាវី មេបញ្ជាការរង និងជាប្រធានមន្ទីរស្រាវជ្រាវបទល្មើសព្រហ្មទណ្ឌ និងសន្តិសុខ នៃកងរាជអាវុធហត្ថរាជធានីភ្នំពេញ ថ្លែងថា ការឃាត់ខ្លួនបានជនសង្ស័យទាំង៨នាក់ រួមទាំងវត្ថុតាងនានា នឹងធ្វើសន្និសីទកាសែតនៅថ្ងៃទី១០ កុម្ភៈ នេះ មុនពេលបញ្ជូនក្រុមនេះទៅកាន់សាលាដំបូងរាជធានីភ្នំពេញ ៕
ចែករំលែកព័តមាននេះ