ខេត្តពោធិ៍សាត់ ៖ មានការភ្ញាក់ផ្អើលទាំង ព្រឹកបន្ទាប់ពីប្រទះឃើញទារកម្នាក់ទើបនឹងកើតស្រែកយំក្នុងថ្លុកឈាមនៅកន្លៀតរបងខ្លោងទ្វារពហុកីឡដ្ឋានខេត្ត កាលពីវេលាម៉ោងប្រមាណ៨និង១៥នាទីព្រឹកថ្ងៃទី៩ កុម្ភៈ ។
ខេត្តពោធិ៍សាត់ ៖ មានការភ្ញាក់ផ្អើលទាំង ព្រឹកបន្ទាប់ពីប្រទះឃើញទារកម្នាក់ទើបនឹងកើតស្រែកយំក្នុងថ្លុកឈាមនៅកន្លៀតរបងខ្លោងទ្វារពហុកីឡដ្ឋានខេត្ត កាលពីវេលាម៉ោងប្រមាណ៨និង១៥នាទីព្រឹកថ្ងៃទី៩ កុម្ភៈ ។
តាមការសាកសួរពីអ្នកជួបហេតុការណ៍ឱ្យដឹងថា នៅវេលាព្រឹកនោះអ្នករុញធុងការ៉េម និងលក់ទឹកអំពៅឃើញឆ្កែចេះតែព្រុសមិនឈប់សោះនៅកន្លៀតរបងខ្លោងទ្វារពហុកីឡដ្ឋាន ។ ដោយមានការងឿងឆ្ងល់យ៉ាងខ្លាំងក៏ដើរទៅមើល ស្រាប់តែឃើញទារកក្រហមរងាលកំពុងស្រែកយំ និងដេកលើថ្លុកឈាមគួរឱ្យអាណិតខ្លាំងណាស់ ។ ឃើញគួរឱ្យសង្វេគបែបនេះ ក៏ស្រែកប្រាប់អ្នកធ្វើដំណើរទៅមកឱ្យជួយ និងក៏មានការភ្ញាក់ផ្អើលមនុស្សមកចោមរោមមើលទាំងព្រឹកតែម្តង ។ លោកវរសេនីយ៍ត្រី ម៉ម ឆៃលី ប្រធានការិយាល័យវិទ្យុទាក់ទងនៃស្នងការដ្ឋាននគរបាលខេត្តបានប្រាប់កោះសន្តិភាពថា ខណៈពេលដែលលោកបើករថយន្តមកដល់មុខខ្លោងទ្វារពហុកីឡដ្ឋានខេត្តនោះ ឃើញមនុស្ស ជុំៗក៏ឈប់រថយន្តភ្លាម ហើយសួរ ត្រូវគេប្រាប់ថា មានគេប្លុងទារកចោល ។
លោកនិយាយថា ពេលដែលលោកចុះមើលផ្ទាល់ មិនមែនប្លុងចោលទេ គឺស្ត្រីជាម្តាយបានមកបង្កើតកូនដោយខ្លួនឯង រួចហើយទុកចោលនៅទីនោះ ។ ដោយឃើញគួរឱ្យអាណិតអាសូរពេក លោកក៏យកកន្សែងពោះគោទារកនោះ និងរុំលើកដាក់លើរថយន្ត រួចនាំយកទៅមន្ទីរពេទ្យតែម្តង ។ ពេលយកទៅដល់មន្ទីរពេទ្យត្រូវបានគ្រូពេទ្យយកចិត្តទុកដាក់ ភ្លាមៗដោយកាត់ទងផ្ចិត ងូតទឹកសម្អាតខ្លួនដែលសុទ្ធតែឈាម និងចាក់ថ្នាំការពារទៅតាមជំនាញបច្ចេកទេសបានយ៉ាងល្អប្រសើរ ។ តាមការអះអាងរបស់គ្រូពេទ្យថា ទារកនេះមានទម្ងន់៣,៤គីឡូក្រាម មានសុខភាពល្អទេ ទើបតែកើតក្នុងចន្លោះពីម៉ោង៤ទៅម៉ោង៥ទៀបភ្លឺនៃថ្ងៃទី៩ កុម្ភៈបុ៉ណ្ណោះ បុ៉ន្តែយើងមិនដឹងថាស្ត្រីជាម្តាយជាអ្នកណា និងស្ថិតក្នុងសភាពយ៉ាងណានោះទេ ។
ក្រោយពីសម្អាត និងចាក់ថ្នាំរួច ទារកនោះបានប្រគល់ទៅឱ្យស្ត្រីម្នាក់រស់នៅក្នុងភូមិចម្ការចេកខាងជើង សង្កាត់ផ្ទះព្រៃ ក្រុងពោធិ៍សាត់ យកទៅចិញ្ចឹម ដោយសារគាត់ស្រឡាញ់ខ្លាំងពេក ព្រោះតែក្នុងគ្រួសារមិនមានកូនប្រុសនឹងគេ៕
ចែករំលែកព័តមាននេះ