ក្រុងប៉ោយប៉ែត ៖ ប៉ូលិសនៃស្នងការដ្ឋានខេត្តបន្ទាយមានជ័យ កាលពីរសៀលថ្ងៃទី៨ កុម្ភៈ ២០១៤ បានចុះអនុវត្តពង្រឹងគោលនយោបាយភូមិ-ឃុំមានសុវត្ថិភាពទាំង៩ចំណុចដល់ប្រជាពលរដ្ឋទូទាំងក្រុងប៉ោយប៉ែត។
ក្រុងប៉ោយប៉ែត ៖ ប៉ូលិសនៃស្នងការដ្ឋានខេត្តបន្ទាយមានជ័យ កាលពីរសៀលថ្ងៃទី៨ កុម្ភៈ ២០១៤ បានចុះអនុវត្តពង្រឹងគោលនយោបាយភូមិ-ឃុំមានសុវត្ថិភាពទាំង៩ចំណុចដល់ប្រជាពលរដ្ឋទូទាំងក្រុងប៉ោយប៉ែត។
លោកវរសេនីយ៍ត្រី អ៊ុំ សុផល អធិការក្រុងប៉ោយប៉ែតបានឱ្យដឹងថា យោងតាមបទបញ្ជាយ៉ាងម៉ឺងម៉ាត់ពីលោកឧត្តមសេនីយ៍ត្រី ខេង ស៊ុម ស្នងការខេត្តបានដាក់បទបញ្ជាឱ្យសមត្ថកិច្ចក្រោមឱវាទទាំងអស់ខិតខំយកចិត្តទុកដាក់ ទប់ស្កាក់នូវរាល់បទល្មើសទាំងឡាយដែលកើតមាននៅក្នុងតំបន់ឈរជើងរបស់ខ្លួន គឺធ្វើយ៉ាងណាត្រូវទប់ស្កាត់ឱ្យខាងតែបាន។
លោកអធិការបន្តថា ជាក់ស្តែងកាលពីរសៀលម្សិលមិញ សមត្ថកិច្ចរបស់លោកបានចុះផ្សព្វផ្សាយគោលនយោបាយភូមិ-ឃុំមានសុវត្ថិភាពទាំង៩ចំណុចដល់ពលរដ្ឋចំនួន២សង្កាត់ គឺសង្កាត់និមិត្ត និងសង្កាត់ប៉ោយប៉ែតឱ្យពួកគាត់បានយល់ដឹងគ្រប់ៗគ្នាដើម្បីឱ្យស្របតាមយុទ្ធសាស្ត្ររបស់ប្រមុខថ្នាក់ដឹកនាំទៅថ្ងៃអនាគតផងដែរ៕
ចែករំលែកព័តមាននេះ