ខេត្តស្ទឹងត្រែង ៖ ប្រជាពលរដ្ឋប្រមាណ២០០គ្រួសារ និងផ្លូវដីលំមួយចំនួន ត្រូវកាត់ផ្តាច់ពីផលប៉ះពាល់ដោយសារជំនន់ទឹកភ្លៀង នៅឃុំចំនួន៦ ក្នុងស្រុកថាឡាបរិវ៉ាត់ ។ តាមរបាយការណ៍ស្ដីពីស្ថានភាពទឹកជំនន់ដោយទឹកភ្លៀង និងទឹកទន្លេមេគង្គផលប៉ះពាល់ដល់ស្រុកថាឡាបរិវ៉ាត់មានឃុំចំនួន៦…
ខេត្តស្ទឹងត្រែង ៖ ប្រជាពលរដ្ឋប្រមាណ២០០គ្រួសារ និងផ្លូវដីលំមួយចំនួន ត្រូវកាត់ផ្តាច់ពីផលប៉ះពាល់ដោយសារជំនន់ទឹកភ្លៀង នៅឃុំចំនួន៦ ក្នុងស្រុកថាឡាបរិវ៉ាត់ ។
តាមរបាយការណ៍ស្ដីពីស្ថានភាពទឹកជំនន់ដោយទឹកភ្លៀង និងទឹកទន្លេមេគង្គផលប៉ះពាល់ដល់ស្រុកថាឡាបរិវ៉ាត់មានឃុំចំនួន៦ ក្នុងចំណោម៨ឃុំ បានរងផលប៉ះពាល់ដោយជំនន់ទឹកភ្លៀង ក្នុងនោះ រួមមានដូចជាឃុំអន្លង់ភេ ចំនួន៣ភូមិ ឃុំចំការលើ ចំនួន២ភូមិ ឃុំកាំងចាមចំនួន២ភូមិ ឃុំអន្លង់ជ្រៃ ចំនួន២ភូមិ ឃុំស្រែឬស្សី ចំនួន១ភូមិ និងឃុំថាឡាបរិវ៉ាត់ចំនួន៣ភូមិ ។
បើគិតត្រឹមម៉ោង១៥និង០០នាទីរសៀលថ្ងៃទី៤ កញ្ញា ២០២៥ នេះ មានប្រជាពលរដ្ឋសរុប១៨១គ្រួសារ និងផ្ទះប្រជាពលរដ្ឋ៧១ខ្នងផ្ទះបានរងផលប៉ះពាល់ ។ ប៉ះពាល់សន្ទូង ពង្រោះ៧៤ហិកតា ដំណាំរួមផ្សំ៤៨ហិកតា ខូចខាត១ហិកតា និងផ្លូវដីលំប្រវែង១៣៧៣ម៉ែត្រ ត្រូវជន់លិចដោយជំនន់ទឹកភ្លៀងនេះ ។ បើទោះបីយ៉ាងណា ពុំទាន់មានរបាយការណ៍ស្ដីពីការជម្លៀសប្រជាពលរដ្ឋទៅកាន់ទីទួលសុវត្ថិភាពនោះទេ ។
រដ្ឋបាលស្រុកថាឡាបរិវ៉ាត់ឱ្យដឹងថា ក្នុងស្ថានភាពភ្លៀងធ្លាក់ជោកជាំខ្លាំង គួបផ្សំនិងទឹកទន្លេឡើងផងនោះ បានបង្កឲ្យកម្ពស់ទឹកហូរចូលភូមិឋានជន់លិច តែទឹកទាំងនោះអាចនឹងស្រក់ទៅវិញឆាប់ៗនៅពេលមេឃស្រឡះវិញដែរ ៕
ចែករំលែកព័តមាននេះ