ខេត្តកំពង់ឆ្នាំង ៖ បុរសចំណាស់អាយុ៦៣ឆ្នាំម្នាក់ត្រូវមន្ត្រីនគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តចាប់ឃាត់ខ្លួនកាលពីថ្ងៃទី៨ កុម្ភៈ ២០១៤ ដោយចោទប្រកាន់ពីបទរំលោ.ភកូនចុងអាយុ១៥ឆ្នាំបានសម្រេចចំនួន៥ដងក្នុងអំឡុងខែមករា ២០១៤ នៅលំនៅឋានក្នុងស្រុកកំពង់លែង។
ខេត្តកំពង់ឆ្នាំង ៖ បុរសចំណាស់អាយុ៦៣ឆ្នាំម្នាក់ត្រូវមន្ត្រីនគរបាលព្រហ្មទណ្ឌកម្រិតធ្ងន់នៃស្នងការនគរបាលខេត្តចាប់ឃាត់ខ្លួនកាលពីថ្ងៃទី៨ កុម្ភៈ ២០១៤ ដោយចោទប្រកាន់ពីបទរំលោភកូនចុងអាយុ១៥ឆ្នាំបានសម្រេចចំនួន៥ដងក្នុងអំឡុងខែមករា ២០១៤ នៅលំនៅឋានក្នុងស្រុកកំពង់លែង។
នគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្តបានឱ្យដឹងថា ជនសង្ស័យរំលោភកូនចុងឈ្មោះភុំ ផៃ អាយុ៦៣ឆ្នាំ ចំណែកកុមារីរងគ្រោះអាយុ១៥ឆ្នាំ ។ តាមសម្តីកុមារីរងគ្រោះបានឱ្យដឹងថា កាលពីអំឡុងខែមករា ខណៈម្តាយនាងមិននៅផ្ទះ ឪពុកចុងនាងបានបើកមុងមកចាប់រំលោភនាងរហូតបានសម្រេច ដោយគំរាមមិនឱ្យស្រែក និងមិនឱ្យប្រាប់អ្នកណាជាដាច់ខាត បើហ៊ានប្រាប់គេគាត់នឹងវាយធ្វើបាប។ លុះក្រោយៗមកទៀតឪពុកចុងនាងតែងតែមកលួចចាប់នាងរំលោភបានសម្រេចចំនួន៥ដង ដោយមិនអាចទ្រាំបានតទៅទៀតនាងបានសម្រេចចិត្តនិយាយប្រាប់ម្តាយ ម្តាយនាងបានទៅប្តឹងនគរបាលឱ្យចាប់ខ្លួនតែម្តង។
នៅចំពោះមុខមន្ត្រីនគរបាល ជនសង្ស័យបានសារភាពថា ខ្លួនពិតជាបានធ្វើសកម្មភាពរំលោភកូនចុងពិតមែន ប៉ុន្តែមិនបានចាប់បង្ខំឡើយ ។ ទោះជាបែបនេះក្តីមន្ត្រីនគរបាលនិយាយថា ការរួមរ័កជាមួយអនីតិជនទោះបីមានការព្រមព្រៀងក៏ដោយ ក៏ត្រូវមានទោសដែរ ដូច្នេះនគរបាលបានកសាងសំណុំរឿងបញ្ជូនជនសង្ស័យរូបនេះទៅតុលាការដើម្បីចាត់ការតាមច្បាប់៕
ចែករំលែកព័តមាននេះ