ខេត្តកំពត ៖ មនុស្សម្នាក់ស្លា.ប់នៅនឹងកន្លែង និង០៤នាក់ទៀតរងរបួសធ្ងន់បាក់ដៃជើង ក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្តទួរីសដឹក អ្នកដំណើរបុកម៉ូតូវ៉េវ រួចរេចង្កូតទៅបុកដើមដូងនៅក្បែរចិញ្ចើមផ្លូវ ។
ខេត្តកំពត ៖ មនុស្សម្នាក់ស្លាប់នៅនឹងកន្លែង និង០៤នាក់ទៀតរងរបួសធ្ងន់បាក់ដៃជើង ក្នុងហេតុការណ៍គ្រោះថ្នាក់ចរាចរណ៍បង្កឡើងដោយរថយន្តទួរីសដឹក អ្នកដំណើរបុកម៉ូតូវ៉េវ រួចរេចង្កូតទៅបុកដើមដូងនៅក្បែរចិញ្ចើមផ្លូវ ។
គ្រោះថ្នាក់ នេះកើតឡើងកាលពីវេលាម៉ោង៩ព្រឹកថ្ងៃទី០៨ កុម្ភៈ ២០១៤ នៅតាមបណ្តោយផ្លូវជាតិលេខ៣ ស្ថិតក្នុងភូមិត្រពាំងល្ពៅ ឃុំព្រែកត្នោត ស្រុកទឹកឈូ ។ អ្នកស្លាប់ត្រូវបានគេស្គាល់ឈ្មោះ ម៉ែ ជៀវ ភេទប្រុស អាយុ៣៨ឆ្នាំ ជាអ្នកបើកបរម៉ូតូ និងអ្នករួមដំណើរពីក្រោយរងរបួសធ្ងន់។
បើតាមសេចក្តីរាយការណ៍ បានឱ្យដឹងថា រថយន្តទួរីសដឹកអ្នកដំណើរបើកតាមបណ្តោយផ្លូវជាតិលេខ៣ ទិសដៅពីកើតទៅលិច រីឯម៉ូតូម៉ាកវ៉េវ ជិះគ្នា២នាក់បញ្ច្រាសទិសគ្នា ។ លុះមកដល់ចំណុចកើតហេតុ មិនដឹងជាយ៉ាងម៉េចស្រាប់តែរថយន្តបើកបុកម៉ូតូពេញទំហឹង រួចជ្រុលចង្កូតទៅបុកដើមដូងនៅក្បែរផ្លូវ បណ្តាលឱ្យអ្នកបើកម៉ូតូស្លាប់នៅនឹងកន្លែង និងអ្នករួមដំណើរពីក្រោយរងរបួសធ្ងន់ ចំណែកអ្នកជិះនៅក្នុងរថយន្ត៣នាក់ទៀតក៏រងរបួសបាក់ដៃជើងផងដែរ ។
ក្រោយពីកើតហេតុ អ្នករងរបួសធ្ងន់ ត្រូវគេបញ្ជូនទៅសង្គ្រោះនៅមន្ទីរពេទ្យភ្លាមៗ៕
ចែករំលែកព័តមាននេះ