ខេត្តកំពង់ឆ្នាំង ៖ នៅសាលាដំបូងខេត្តនាព្រឹកថ្ងៃទី៦ កុម្ភៈ ២០១៤ គណៈកម្មការពិនិត្យ និងវាយតម្លៃកម្រិតកែប្រែទណ្ឌិត បានធ្វើការប្រជុំពិនិត្យ និងវាយតម្លៃកម្រិតកែប្រែដើម្បីលើកសំណើថ្វាយព្រះមហាក្សត្រសុំបន្ធូរបន្ថយទោសដល់ទណ្ឌិតចំនួន២៧នាក់ក្នុងឱកាសបុណ្យចូលឆ្នាំខ្មែរប្រពៃណីជាតិខាងមុខនេះ។
ខេត្តកំពង់ឆ្នាំង ៖ នៅសាលាដំបូងខេត្តនាព្រឹកថ្ងៃទី៦ កុម្ភៈ ២០១៤ គណៈកម្មការពិនិត្យ និងវាយតម្លៃកម្រិតកែប្រែទណ្ឌិត បានធ្វើការប្រជុំពិនិត្យ និងវាយតម្លៃកម្រិតកែប្រែដើម្បីលើកសំណើថ្វាយព្រះមហាក្សត្រសុំបន្ធូរបន្ថយទោសដល់ទណ្ឌិតចំនួន២៧នាក់ក្នុងឱកាសបុណ្យចូលឆ្នាំខ្មែរប្រពៃណីជាតិខាងមុខនេះ។
លោកពេញ វិបុល ព្រះរាជអាជ្ញាសាលាដំបូងខេត្តកំពង់ឆ្នាំងបានឱ្យដឹងថា ជាទូទៅព្រះមហាក្សត្រនៃព្រះរាជាណាចក្រកម្ពុជាតែងតែបន្ធូរបន្ថយ និងលើកលែងទោសដល់អ្នកទោសក្នុងពន្ធនាគារគ្រប់ខេត្ត-ក្រុងនៅទូទាំងប្រទេសជារៀងរាល់ឆ្នាំ។
សមាសភាពនៅក្នុងគណៈកម្មការប្រជុំវាយតម្លៃនេះរួមមានលោកនាយកទីចាត់ការអន្តរវិស័យសាលាខេត្ត លោកប្រធានពន្ធនាគារខេត្តជាអនុប្រធាន និងសមាជិកជាច្រើនរូបទៀត។
លោកពេញ វិបុល បានបញ្ជាក់ថា ជារៀងរាល់ឆ្នាំការបន្ធូរបន្ថយទោសដល់ទណ្ឌិតនៅក្នុងពន្ធនាគារខេត្ត-ក្រុងត្រូវបានធ្វើឡើងក្នុង១ឆ្នាំ៣ដង គឺបុណ្យចូលឆ្នាំខ្មែរ បុណ្យពិសាខបូជា និងបុណ្យអុំទូក។
ទណ្ឌិតដែលត្រូវបានសម្រេចជ្រើសរើសចំនួន២៧នាក់នោះមានស្រី២នាក់ ប្រុស២៥នាក់ជាអ្នកដែលមានស្នាដៃក្នុងការគោរពវិន័យ និងកែប្រែខ្លួនបានល្អនៅក្នុងពន្ធនាគារខេត្ត៕
ចែករំលែកព័តមាននេះ