សារព័ត៌មានបរទេសផ្សាយថា លោកសាន់ជេហ្វ ខាត់ខា ប៉ូលិសរបស់នេបា៉ល់ ឱ្យដឹងថា លោកបា៉ន់ចារា៉មប៊ិច វ៉ូការា៉ម អាយុ៤៧ឆ្នាំ ម្ចាស់ហាងលក់មាសក្នុងទីក្រុងហ្គោប៉េតា ស្ថិតនៅភាគខាងកើតឆ្ងាយពីក្រុងកដ្ឋមណ្ឌូប្រហែល៣០០គីឡូម៉ែត្រ បានភ្នាល់ជាមួយមិត្តភក្តិថា នឹងផឹកស្រាវីស្គី ស្លាកយីហោ «រ៉ូយ៉ាល់ស្តាក» ឱ្យអស់ ប្រសិនបើយល់ព្រមចំណាយថ្លៃស្រា ។ ហេតុការណ៍នោះ
សារព័ត៌មានបរទេសផ្សាយថា លោកសាន់ជេហ្វ ខាត់ខា ប៉ូលិសរបស់នេបា៉ល់ ឱ្យដឹងថា លោកបា៉ន់ចារា៉មប៊ិច វ៉ូការា៉ម អាយុ៤៧ឆ្នាំ ម្ចាស់ហាងលក់មាសក្នុងទីក្រុងហ្គោប៉េតា ស្ថិតនៅភាគខាងកើតឆ្ងាយពីក្រុងកដ្ឋមណ្ឌូប្រហែល៣០០គីឡូម៉ែត្រ បានភ្នាល់ជាមួយមិត្តភក្តិថា នឹងផឹកស្រាវីស្គី ស្លាកយីហោ «រ៉ូយ៉ាល់ស្តាក» ឱ្យអស់ ប្រសិនបើយល់ព្រមចំណាយថ្លៃស្រា ។ ហេតុការណ៍នោះកើតឡើង កាលពីថ្ងៃទី១៦ មករា ២០១៤ ។
ក្រោយពីផឹកស្រាអស់មួយដប ចាត់ទុកថាឈ្នះការភ្នាល់ សាន់ជេហ្វ ខាត់ខា ក៏ធ្វើដំណើរត្រឡប់ទៅផ្ទះវិញ ប៉ុន្តែដល់ម៉ោង៨យប់ចាប់ផ្តើមក្អួត និងដេកមិនលក់ ហើយត្រូវញាតិមិត្តបញ្ជូនទៅមន្ទីរពេទ្យ ។ មន្ទីរពេទ្យនៅក្បែរផ្ទះរបស់លោកសាន់ ជេហ្វ ខាត់ខា មិនអាចព្យាបាលបាន ក៏បញ្ជូនបន្តទៅមន្ទីរពេទ្យនៅក្នុងទីក្រុងសីុលីគូរី ស្ថិតក្នុងរដ្ឋវ៉េសប៊ែងហ្គល ប្រទេសឥណ្ឌា ។ លោកវេជ្ជបណ្ឌិតប៊ីទី ខូយរា៉ឡា ក្នុងទីក្រុងសីុលីគូរី និយាយថា នៅពេលនាំដល់មន្ទីរពេទ្យ គឺសាន់ជេហ្វ ខាត់ខា ស្ថិតក្នុងសភាពបាត់ស្មារតី ដោយពិនិត្យឃើញថា គេផឹកស្រាដែលមានកម្រិតកំដៅដល់ទៅ៤២% អស់មួយដប់តែក្នុងរយៈពេល៥នាទី និងមិនហូបអាហារសោះ ។ ស្រានោះបានបំផ្លាញអវយវៈក្នុងខ្លួន ធ្វើឱ្យកើតអាការបែកគ្រាប់ឈាម និងស្លាប់តែម្តង ។បច្ចុប្បន្នប៉ូលិសកំពុងសើុបអង្កេតថា តើស្រាវីស្គីដែលមានតម្លៃ៧ដុល្លារ ក្នុងមួយដបនោះមានលាយឡំជាតិពុលអ្វីខ្លះ?
ចែករំលែកព័តមាននេះ