រាជធានីភ្នំពេញ ៖ នៅសាលប្រជុំអគ្គនាយកដ្ឋានពន្ធដារ កាលពីព្រឹកថ្ងៃទី០៧ កុម្ភៈ ២០១៤ មានបើកកិច្ចប្រជុំសរុបលទ្ធផលចំណូលពន្ធ ប្រចាំខែមករា ២០១៤ ក្រោមអធិបតីភាពលោកជូ វិជិត្ត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ។
រាជធានីភ្នំពេញ ៖ នៅសាលប្រជុំអគ្គនាយកដ្ឋានពន្ធដារ កាលពីព្រឹកថ្ងៃទី០៧ កុម្ភៈ ២០១៤ មានបើកកិច្ចប្រជុំសរុបលទ្ធផលចំណូលពន្ធ ប្រចាំខែមករា ២០១៤ ក្រោមអធិបតីភាពលោកជូ វិជិត្ត រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ ។
តាមប្រសាសន៍លោក គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ បានឱ្យដឹងថា ក្នុងខែមករា ឆ្នាំ២០១៤ អគ្គនាយកដ្ឋានពន្ធដារបានប្រមូលពន្ធនិងបង់ប្រាក់ពន្ធចូលថវិកាជាតិបានចំនួន២៦៥,៦៩៧លានរៀល បើប្រៀបធៀបទៅនឹងខែមករាដូចគ្នា ក្នុងឆ្នាំ២០១៣ មានការកើនឡើងស្មើនឹង១៤.៦%។
យោងតាមសេចក្តីប្រកាសព័ត៌មានកិច្ចប្រជុំស្តីពីសរុបលទ្ធផលចំណូលពន្ធប្រចាំខែមករា ២០១៤បានឲ្យដឹងថា ក្នុងខែមករា ឆ្នាំ២០១៤ អគ្គនាយកដ្ឋានពន្ធដារបានប្រមូលនិងបង់ប្រាក់ពន្ធចូលថវិកាជាតិបានចំនួន២៦៥,៦៩៧លានរៀល (គិតជាដុល្លារប្រមាណ៦៦.៤លានដុល្លារ) បើប្រៀបធៀបទៅនឹងខែមករាដូចគ្នាក្នុងឆ្នាំ២០១៣ មានការកើនឡើងស្មើនឹង១៤.៦% ក្នុងនោះថវិការដ្ឋសំរេចបានចំនួនស្មើនឹង៦.៧% និងថវិការដ្ឋបាលថ្នាក់ក្រោមជាតិសំរេចបានចំនួនស្មើនឹង៤.៦% ។ តាមការវិភាគប្រភេទពន្ធឃើញថា ចំណូលក្នុងឆ្នាំ២០១៤ មានការកើនឡើងគ្រប់ប្រភេទពន្ធ ក្នុងនោះប្រភេទពន្ធសំខាន់ៗដែលមានការកើនឡើងដូចជា ពន្ធលើប្រាក់បៀវត្សរ៍មានការកើនឡើងប្រមាណ២៤.៨% ,ពន្ធលើប្រាក់ចំណេញមានការកើនឡើងប្រមាណ៣១.១% អាករលើតម្លៃបន្ថែមមានការកើនឡើងប្រមាណ១១% ។ ការពិនិត្យតាមវិស័យឃើញថា ចំណូលក្នុងឆ្នាំ២០១៤ មានការកើនឡើងស្ទើរគ្រប់សកម្មភាព ក្នុងនោះ ផ្នែកសេវាហិរញ្ញវត្ថុកើនឡើងប្រមាណ២៧.៨% ,ផ្នែកនីហរ័ណអាហារ័ណកើនឡើងប្រមាណ៤២.៥% ,ស្ថាបត្យកម្មនិងសំណង់កើនឡើងប្រមាណ៣១.៣% ,ផ្នែកនីហរ័ណអាហរ័ណកើនឡើងប្រមាណ២.៨% ,ផ្នែកផលិតសម្លៀកបំពាក់កើនឡើងប្រមាណ៣៥% ,ផ្នែកថ្នាំជក់កើនឡើងប្រមាណ២០៨.៣% ,ផ្នែកអាកាសយានដ្ឋាននិងកំពង់ផែកើនឡើងប្រមាណ១៣៨.៨% ,ផ្នែកសណ្ឋាគារនិងផ្ទះសំណាក់កើនឡើងប្រមាណ២៥.៣% និងផ្នែកដឹកជញ្ជូននិងទេសចរណ៍២១.៨%។
លោកអគ្គនាយកនៃអគ្គនាយកដ្ឋានពន្ធដារណែនាំបន្ថែមទៀតដល់អស់លោកជាប្រធានអង្គភាពពន្ធដារគ្រប់លំដាប់ថ្នាក់ និងមន្ត្រីពន្ធដារទាំងអស់ខិតខំពង្រឹងការអនុវត្តច្បាប់វិន័យការងារ និងក្រមសីលធម៌វិជ្ជាជីវៈមន្ត្រីពន្ធដារឲ្យបានល្អប្រសើរតាមរយៈការផ្តល់សេវានិងក្រមសីលធម៌វិជ្ជាជីវៈមន្ត្រីពន្ធដារឲ្យបានល្អប្រសើរ តាមរយៈការផ្តល់សេវាអ្នកជាប់ពន្ធប្រកបដោយប្រសិទ្ធភាពនិងភាពទន់ភ្លន់ ធ្វើយ៉ាងណាឲ្យអ្នកជាប់ពន្ធរីករាយក្នុងកិច្ចសហការបង់ពន្ធជូនរដ្ឋ និងកិច្ចពង្រឹងរដ្ឋបាលសារពើពន្ធដើម្បីការប្រមូលពន្ធឲ្យបានកាន់តែទទួលបានប្រសិទ្ធភាពខ្ពស់ថែមទៀត ដើម្បីឈានទៅសំរេចបានតាមផែនការក្នុងច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០១៤ ៕
ចែករំលែកព័តមាននេះ