យោងតាមគេហទំព័របរទេសចេញផ្សាយកាលពីពេលថ្មីៗនេះ ឱ្យដឹងថា ក្រុមអ្នកវិទ្យាសាស្ត្រកំពុងពិសោធទៅលើសារធាតុស្ករ ដើម្បីប្រែក្លាយទៅជាថាមពលថ្មទូរស័ព្ទ ។
យោងតាមគេហទំព័របរទេសចេញផ្សាយកាលពីពេលថ្មីៗនេះ ឱ្យដឹងថា ក្រុមអ្នកវិទ្យាសាស្ត្រកំពុងពិសោធទៅលើសារធាតុស្ករ ដើម្បីប្រែក្លាយទៅជាថាមពលថ្មទូរស័ព្ទ ។
ក្រុមអ្នកវិទ្យាសាស្ត្រនៅសាកលវិទ្យាល័យបច្ចេកវិទ្យា Virginia Tech University បានស្រាវជ្រាវលើឧបករណ៍អេទ្បិចត្រូនិកមួយចំនួន ដែលប្រើប្រាស់ថាមពលថ្ម ដោយរួមបញ្ចូលទាំងវិទ្យាសាស្ត្រ និងធម្មជាតិ ។ Bio-battery គឺជាការបញ្ចេញថាមពលពីសារធាតុស្ករ ជំនួសសមាសធាតុគីមីដូចជា លីដ្យូម ដែលត្រូវបានគេប្រើប្រាស់ក្នុងឧបករណ៍អេទ្បិចត្រូនិកនាពេលបច្ចុប្បន្ន ។
លោក Y H Percival Zhang សាស្ត្រាចារ្យផ្នែកជីវសាស្ត្រ និងប្រព័ន្ធវិស្វកម្មប្រចាំសាកលវិទ្យាល័យ Virginia Tech និយាយថា៖ «ស្ករគឺជាសមាសធាតុដ៏សំខាន់ ដែលមាននៅក្នុងធម្មជាតិ ដូច្នេះយើងកំពុងតែព្យាយាមកែច្នៃធនធានធម្មជាតិ ដើម្បីផលិតថាមពលថ្ម ។ បច្ចេកវិទ្យាថាមពលថ្មច្នៃពីស្ករមានលក្ខណៈកាន់តែពិសេសត្រង់វាអាចផ្ទុកកម្លាំងម៉ាញ៉េតូ រហូតដល់១០ដង ច្រើនជាងថាមពលថ្មធម្មតា ហើយប្រតិកម្មរបស់វាមានលក្ខណៈដូចម៉ាស៊ីន ដោយកាត់បន្ថយ និងបញ្ចេញថាមពលក្នុងដំណើរវិវឌ្ឍឥតឈប់ឈររបស់វា» ។
គម្រោងនេះ កំពុងស្ថិតក្នុងដំណាក់កាលពិសោធនៅទ្បើយ តែក្រុមអ្នកស្រាវជ្រាវរបស់លោក Zhang សង្ឃឹមថា បច្ចេកវិទ្យាថ្មីមួយនេះនឹងមាននៅក្នុង Smartphone, Tablet និងឧបករណ៍ដទៃទៀតដែលប្រើប្រាស់ថាមពលថ្ម ក្នុងអំទ្បុងពេល៣ទៅ៤ឆ្នាំ ខាងមុខ ៕
ចែករំលែកព័តមាននេះ