មានប្រទេសមួយក្នុងចំណោមប្រទេសចំនួន១២នៅអឺរ៉ុបធ្លាប់មានបទពិសោធន៍ ឬក៏ជួបនឹងករណីអំពើពុករលួយក្នុងរយៈពេល១២ខែកន្លងទៅនេះ នេះបើយោងតាមរបាយការណ៍ថ្មីមួយចេញផ្សាយកាលពីថ្ងៃចន្ទ ដែលបានអះអាងថា អំពើពុករលួយបានធ្វើឲ្យសេដ្ឋកិច្ចអឺរ៉ុបខាតបង់ប្រាក់១២០ពាន់លានអឺរ៉ូ ឬស្មើនឹង១៦២ពាន់លានដុល្លារក្នុងមួយឆ្នាំ ។
មានប្រទេសមួយក្នុងចំណោមប្រទេសចំនួន១២នៅអឺរ៉ុបធ្លាប់មានបទពិសោធន៍ ឬក៏ជួបនឹងករណីអំពើពុករលួយក្នុងរយៈពេល១២ខែកន្លងទៅនេះ នេះបើយោងតាមរបាយការណ៍ថ្មីមួយចេញផ្សាយកាលពីថ្ងៃចន្ទ ដែលបានអះអាងថា អំពើពុករលួយបានធ្វើឲ្យសេដ្ឋកិច្ចអឺរ៉ុបខាតបង់ប្រាក់១២០ពាន់លានអឺរ៉ូ ឬស្មើនឹង១៦២ពាន់លានដុល្លារក្នុងមួយឆ្នាំ ។
របាយការណ៍ប្រឆាំងអំពើពុករលួយរបស់សហភាពអឺរ៉ុបមិនធ្លាប់មានជាលើកដំបូងបានលាតត្រដាងពីក្តីបារម្ភរបស់ពលរដ្ឋជាច្រើន និងធុរកិច្ចនៅក្នុងប្លុកប្រទេសទាំង២៨នេះ ចំពោះអំពើពុករលួយ ។ជាង៣/៤នៃប្រជាជនអឺរ៉ុបយល់ថា អំពើពុករលួយកំពុងរីករាលដាលនៅក្នុងប្រទេសរបស់គេ ខណៈដែលប្រជាជន៦៥%យល់ថា កម្រិតនៃអំពើពុករលួយបានកើនឡើងក្នុងអំឡុងពេល៣ឆ្នាំកន្លងទៅនេះ ។
ទស្សនៈរបស់រដ្ឋសមាជិកទាំងអស់បានយល់ឃើញដូចគ្នាចំពោះប្រទេសមួយចំនួនដូចជា ក្រិច រូម៉ានី និងអីុតាលី គឺស្ថិតក្នុងចំណោមប្រទេសកំពូលដែលមានអំពើពុករលួយច្រើន ។ ចំណែកពលរដ្ឋនៅក្នុងប្រទេសដាណឺម៉ាក ស៊ុយអែត និងហ្វាំងឡង់ យល់ថា អំពើពុករលួយកម្រកើតមាន ។អ្នកស្រីសេស៊ីលីយ៉ា ម៉ាំស្រ្តុម(Cecilia Malmstrom) គណៈកម្មការកិច្ចការក្នុងប្រទេសរបស់សហភាពអឺរ៉ុបបានថ្លែងថា អំពើពុករលួយធ្វើឲ្យពលរដ្ឋអស់ជំនឿចិត្តលើស្ថាប័នប្រជាធិបតេយ្យ និងនីតិរដ្ឋ វាប៉ះពាល់ដល់សេដ្ឋកិច្ចអឺរ៉ុបនិងបង្អាក់រដ្ឋទាំងអស់មិនឲ្យទទួលបានចំណូលពន្ធតាមសេចក្តីត្រូវការ ៕
ចែករំលែកព័តមាននេះ