រថយន្តកញ្ចាស់លក់បានថ្លៃរាប់លានដុល្លារ
គ្មានអ្នកណាជឿទេថា រថយន្តធម្មតាមួយគ្រឿងអាចបើកបានចម្ងាយ៤,៨លានគីឡូម៉ែត្រ ដោយមិនដែលជួសជុលម្តងសោះ ប៉ុន្តែទោះមិនជឿក៏ត្រូវតែជឿ ព្រោះនេះជាការណ៍ពិត ។
គ្មានអ្នកណាជឿទេថា រថយន្តធម្មតាមួយគ្រឿងអាចបើកបានចម្ងាយ៤,៨លានគីឡូម៉ែត្រ ដោយមិនដែលជួសជុលម្តងសោះ ប៉ុន្តែទោះមិនជឿក៏ត្រូវតែជឿ ព្រោះនេះជាការណ៍ពិត ។
លោក Irv Gozdon អាយុ៧៧ឆ្នាំ ជាមន្ត្រីចូលនិវត្តិន៍ជនជាតិអាមេរិក នៅឡងអីុស្លេន រដ្ឋញូវយ៉ក បានទិញរថយន្តមួយគ្រឿងម៉ាVolvo P1800 មួយគ្រឿង ដែលប្រទេសស៊ុយអែតផលិតឆ្នាំ១៩៦៦ ។ ក្នុងរយៈពេល៤៨ឆ្នាំកន្លងមក លោក Gordon ប្រើតែរថយន្តVolvo មួយគ្រឿងនេះ សម្រាប់ការធ្វើដំណើរជិតឬឆ្ងាយ ទាំងការធ្វើដំណើរម្នាក់ឯង ទាំងការធ្វើដំណើរដោយដឹកមនុស្សក្នុងគ្រួសារផង ដែលសព្វថ្ងៃលោកបើកបរសរុបបាន៣៤,៨លានគីឡូម៉ែត្រ។
ពួក អ្នកបើកបររថយន្តអាជីពសន្និដ្ឋានថា ដើម្បីរត់ចម្ងាយផ្លូវរហូតដល់ជាង៤លានគីឡូម៉ែត្រ រថយន្តValvo នេះ មិនដឹងជាឆ្លងកាត់ការជួសជុលប៉ុន្មានសិបដង ឬប៉ុន្មានរយដងហើយទេ ។ ពួកគេមិនជឿសម្តីលោកGordon ទាល់តែសោះដែលថាមិនដែលជួសជុលសូម្បីម្តង ។ ប៉ុន្តែបន្ទាប់ពីឆ្លងកាត់ការត្រួតពិនិត្យយ៉ាងផ្ចិតផ្ចង់ បំផុតរបស់ក្រុមឯកទេសឯករាជ្យ លទ្ធផលបង្ហាញច្បាស់ចេញមកធ្វើឱ្យគេច្រហមាត់គ្រប់គ្នា គឺក្រៅពីពិស្តុង និងសម្បកកង់ដែលត្រូវផ្លាស់ប្តូរជាចាំបាច់នោះ ផ្នែកឯទៀតក្នុងម៉ាស៊ីននៅ«របស់ដើម» ទាំងអស់ ចេញពីរោងចក្រ ៤៨ឆ្នាំមុនយ៉ាងណា មកដល់ឆ្នាំ២០១៤ ។ នៅម៉ឺងយ៉ាងនោះដដែល គ្មានស្លាកស្នាមដោះដូរអ្វីសូម្បីបន្តិច ។ ដូច្នេះរថយន្តVolvo មួយនេះពិតជារថយន្តមាំបំផុតអត់ប្រកែកបាន ។
នៅពេលដឹងដំណឹង រថយន្ត Volvo នោះបានតំណាងសៀវភៅ ឯតទគ្គកម្មពិភពលោក ប្រចាំទ្វីបអាមេរិកខាងជើងទទួលស្គាល់សម្រាប់កត់ត្រា ចូលក្នុងការបោះពុម្ពប្រចាំឆ្នាំ២០១៤ ចាត់ទុកជា «រថយន្តមាំបំផុតក្នុងលោក» គណៈនាយកសារមន្ទីររថយន្តនៅរដ្ឋ Vermont ស្រូតរូតបញ្ជូនតំណាងទៅចរចាជាមួយលោក Gordon សុំទិញយកសម្រាប់តាំងក្នុងសារមន្ទីររបស់ខ្លួន ។ ពេលនោះលោកGordon និយាយពាក់កណ្តាលលេងពាក់កណ្តាលមែន កាត់ថ្លៃភ្លាមថា លក់ក៏លក់ តែតម្លៃគិតតាមចំនួនម៉ៃល៍ ដែលរថយន្តគាត់បានឆ្លងកាត់ បានសេចក្តីថាវាបានឆ្លងកាត់៣លានម៉ៃល៍ ថ្លៃវាត្រូវតែ៣លានដុល្លារ គឺមួយម៉ៃល៍មួយដុល្លារអាមេរិក ។ គាត់គិតថានិយាយដូច្នេះ ដើម្បីលេងសើចកំដរបរិយាកាសប៉ុណ្ណោះ ដឹងអីតំណាងសារមន្ទីររថយន្ត Vermont អត់តថ្លៃសូម្បីមួយម៉ាត់ យល់ព្រមទិញផ្តាច់ក្នុងតម្លៃ៣លានដុល្លារអាមេរិកភ្លាមក្នុងពេល នោះធ្វើឱ្យរថយន្ត Volvo ដែលមានអាយុជិតកន្លះសតវត្សនេះ អស់ពីជាប់ឈ្មោះជារថយន្តរឹងមាំបំផុតក្នុងលោក ឈានដល់ក្លាយជារថយន្តកញ្ចាស់ថ្លៃបំផុតក្នុងលោកទៀត ៕
ចែករំលែកព័តមាននេះ