នារីក្រុម FEMEN ៥នាក់ បាននាំគ្នាធ្វើបាតុកម្មប្រឆាំងកាឌីណាល់អានតូនីញ៉ូ ម៉ារីយ៉ា រូកូ វ៉ាវិរ៉ា កាលពីថ្ងៃទី២ កុម្ភៈ ពេលព្រះអង្គចេញពីរថយន្ដដើម្បីចូលរួមក្នុងពិធីសូត្រធម៌ពេលល្ងាច នៅព្រះវិហារមួយភាគកណ្ដាលទីក្រុងម៉ាឌ្រីដ ។ ពួកនារីទាំងនោះ ដែលគប់ខោខ្លីមានប្រឡាក់ថ្នាំពណ៌ក្រហមលើកាឌីណាល់អង្គនោះ ដោយសារពួកនាងចាត់ទុកព្រះអង្គថា ជាមនុស្សម្នាក់ក្នុងចំណោមពួកអ្នកជំរុញ
នារីក្រុម FEMEN ៥នាក់ បាននាំគ្នាធ្វើបាតុកម្មប្រឆាំងកាឌីណាល់អានតូនីញ៉ូ ម៉ារីយ៉ា រូកូ វ៉ាវិរ៉ា កាលពីថ្ងៃទី២ កុម្ភៈ ពេលព្រះអង្គចេញពីរថយន្ដដើម្បីចូលរួមក្នុងពិធីសូត្រធម៌ពេលល្ងាច នៅព្រះវិហារមួយភាគកណ្ដាលទីក្រុងម៉ាឌ្រីដ ។ ពួកនារីទាំងនោះ ដែលគប់ខោខ្លីមានប្រឡាក់ថ្នាំពណ៌ក្រហមលើកាឌីណាល់អង្គនោះ ដោយសារពួកនាងចាត់ទុកព្រះអង្គថា ជាមនុស្សម្នាក់ក្នុងចំណោមពួកអ្នកជំរុញឱ្យមានការកែទម្រង់ច្បាប់យកកូនចេញរបស់រដ្ឋាភិបាលអភិរក្សនិយមអេស្ប៉ាញ ។
បណ្ដាសង្ឃកាតូលិកនិងបណ្ដាអ្នកកាន់សាសនាកាតូលិក បានលើកគ្នាចេញពីព្រះវិហារដើម្បីបណ្ដេញពួកនារីធ្វើបាតុកម្មទុកដោះកណ្ដាលវាលទាំងនេះដែលគេចខ្លួនមុនពេលមានការហៅប៉ូលិសមក ។ បន្ទាប់មក ក្រុមនារីនោះបានធ្វើការទាមទារសិទ្ធិយកកូនចេញតាម FACEBOOK ក្នុងនាមក្រុម FEMEN ។ រដ្ឋាភិបាលរបស់លោកនាយករដ្ឋមន្ដ្រី MARIANO RAJOY បានប្រកាសកាលពីខែធ្នូ ពីគម្រោងច្បាប់មួយដែលអនុញ្ញាតឱ្យយកកូនចេញតែក្នុងករណីមានគ្រោះថ្នាក់ដល់ជីវិត និងដល់សុខភាពរបស់ម្ដាយ ឬក៏ក្រោយការចាប់រំលោភ ដែលជាកម្មវត្ថុនៃពាក្យបណ្ដឹងជាមុនមួយ ។
គម្រោងច្បាប់នេះលុបចោលច្បាប់ឆ្នាំ២០១០ អនុម័តដោយពួកសង្គមនិយម ដែលអនុញ្ញាតឱ្យយកកូនចេញរហូតដល់មានផ្ទៃពោះ១៤សប្ដាហ៍ សម្រាប់គ្រប់នារីដោយពុំចាំបាច់មានការលើកហេតុផល ព្រមទាំងរហូតដល់អ្នកមានផ្ទៃពោះ២២សប្ដាហ៍ ព្រោះតែកូនក្នុងផ្ទៃមានលក្ខណៈពុំប្រក្រតី ឬក៏នាំឱ្យមានគ្រោះថ្នាក់សម្រាប់ម្ដាយ ៕
ចែករំលែកព័តមាននេះ