រាជធានីភ្នំពេញ ៖ ជនសង្ស័យជាបងប្រុសម្នាក់ បានយកកូនកាំបិតចុងស្រួចមកចាក់សម្លា.ប់ប្អូនប្រុសបង្កើតរបស់ខ្លួនចំនួន៣កាំបិត បន្ទាប់ពីមានជម្លោះរឿងសុំលុយ៥ពាន់រៀលមិនបាន ដែលហេតុការណ៍នេះបានបង្កឱ្យភ្ញាក់ផ្អើលកាលពីវេលាម៉ោង១១ និង៣០នាទីយប់ថ្ងៃទី២ កុម្ភៈ ២០១៤ ស្ថិតនៅចំណុចផ្ទះលេខឆ៤៣ ផ្លូវលេខ៣៦៩ ក្រុមទី៩ ភូមិដើមមៀន សង្កាត់ច្បារអំពៅទី១ ខណ្ឌមានជ័យ។
រាជធានីភ្នំពេញ ៖ ជនសង្ស័យជាបងប្រុសម្នាក់ បានយកកូនកាំបិតចុងស្រួចមកចាក់សម្លាប់ប្អូនប្រុសបង្កើតរបស់ខ្លួនចំនួន៣កាំបិត បន្ទាប់ពីមានជម្លោះរឿងសុំលុយ៥ពាន់រៀលមិនបាន ដែលហេតុការណ៍នេះបានបង្កឱ្យភ្ញាក់ផ្អើលកាលពីវេលាម៉ោង១១ និង៣០នាទីយប់ថ្ងៃទី២ កុម្ភៈ ២០១៤ ស្ថិតនៅចំណុចផ្ទះលេខឆ៤៣ ផ្លូវលេខ៣៦៩ ក្រុមទី៩ ភូមិដើមមៀន សង្កាត់ច្បារអំពៅទី១ ខណ្ឌមានជ័យ។
ប្រភពបានឱ្យដឹងថា ជនរងគ្រោះត្រូវបានគេស្គាល់ឈ្មោះង្វៀន យ៉ាំងទង់ អាយុ២២ឆ្នាំ ជាជនជាតិវៀតណាម ចំណែកជនដៃដល់ឈ្មោះង្វៀង យ៉ាំងសាង ហៅញ៉ុក អាយុ២៦ឆ្នាំ ជាបងប្រុសបង្កើតរបស់ជនរងគ្រោះ បច្ចុប្បន្នស្នាក់នៅកន្លែងកើតហេតុខាងលើ ។
ទាក់ទិននឹងអំពើព្រៃផ្សៃខាងលើនេះសមត្ថកិច្ចបានឱ្យដឹងថា មុនពេលកើតហេតុជនសង្ស័យឈ្មោះង្វៀង យ៉ាំងសាង បានសុំលុយពីប្អូនប្រុសឈ្មោះង្វៀង យ៉ាំងទង់ ចំនួន១ម៉ឺនរៀលយកទៅទិញស្រាផឹក ហើយប្អូនប្រុសក៏ព្រមឱ្យ ។ លុះដល់ល្ងាច ជនសង្ស័យបានទៅសុំលុយពីប្អូនប្រុសចំនួន៥ពាន់រៀលទៀត តែត្រូវប្អូនប្រុសប្រកែកថា អត់មានទេ ភ្លាមនោះធ្វើឱ្យជនសង្ស័យខឹង ក៏ដើរចេញពីផ្ទះបាត់ រហូតដល់ល្ងាចត្រលប់មកវិញ បានឈ្លោះប្រកែកគ្នាជាប្អូនប្រុសនោះបន្តទៀត ហើយក៏ស្ទុះទៅយកកាំបិតមកចាក់ចំក្រោមទ្រូងចំនួន៣កាំបិត បណ្តាលឱ្យហូរឈាមស្រោចពេញខ្លួន ។
ជនរងគ្រោះត្រូវបានឪពុកម្តាយដឹកបញ្ជូនយកទៅសង្គ្រោះមន្ទីរពេទ្យ ប៉ុន្តែជាអកុសលជនរងគ្រោះបានដាច់ខ្យល់ស្លាប់បាត់ទៅ
ហើយ ។
ចែករំលែកព័តមាននេះ