រាជធានីភ្នំពេញ ៖ សមត្ថកិច្ចបានឱ្យដឹងថា នៅថ្ងៃទី០៣ កញ្ញា ឆ្នាំ ២០២៥ នេះ ចៅក្រមស៊ើបសួរសាលាដំបូងរាជធានីភ្នំពេញ បានបញ្ចប់ការស៊ើបសួរលើជនសង្ស័យជាស្ត្រីជនជាតិស្បែកខ្មៅកុងហ្គោ…
រាជធានីភ្នំពេញ ៖ សមត្ថកិច្ចបានឱ្យដឹងថា នៅថ្ងៃទី០៣ កញ្ញា ឆ្នាំ ២០២៥ នេះ ចៅក្រមស៊ើបសួរសាលាដំបូងរាជធានីភ្នំពេញ បានបញ្ចប់ការស៊ើបសួរលើជនសង្ស័យជាស្ត្រីជនជាតិស្បែកខ្មៅកុងហ្គោ ពាក់ព័ន្ធករណីចាក់សម្លាប់ស្ត្រីជនជាតិស្បែកសអង់គ្លេស រួចរាល់ហើយ ដោយជាប់ពាក់ព័ន្ធពីបទឃាតកម្មទាក់ទងរឿងស្នេហាជាន់លេខរៀង ។
យោងតាមរបាយការណ៍ជាផ្លូវការរបស់សមត្ថកិច្ចបានបញ្ជាក់ថា កាលពីថ្ងៃទី២៩ ខែសីហា ឆ្នាំ២០២៥ វេលាម៉ោង២៣ និង៤០នាទី មានករណីឃាតកម្ម (យកកូនកាំបិតចុងស្រួចដងជ័រ ពណ៌ប្រផេះ ចាក់លើជនរងគ្រោះបណ្តាលឲ្យស្លាប់) ប្រព្រឹត្តនៅចំណុចសួនច្បារមុខសាលាក្រុងកោះពេជ្រ វិថីសួនច្បារ ក្រុម៧៨ ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ។
ជនរងគ្រោះឈ្មោះ JESSICA CARIAD HOPKINS ភេទស្រី អាយុ៣៤ឆ្នាំ ជនជាតិអង់គ្លេស កាន់លិខិតឆ្លងដែនលេខ ១៣ ៣៥៤៩៨៨៩ ចុះថ្ងៃទី២៥ ខែសីហា ឆ្នាំ២០២២ មានទីលំនៅផ្ទះលេខ២៥៧ស្ទួន ផ្លូវលំ ភូមិ១ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ មុខរបរគ្រូបង្រៀន បង្កឡើងដោយជនសង្ស័យឈ្មោះ KIDIKILA NGANDA GLODIE ភេទស្រី ឆ្នាំកំណើត១៩៩២ ជនជាតិកុងហ្គោ សញ្ជាតិកុងហ្គោ កាន់លិខិត ឆ្លងដែនលេខ OP១៥៣៨៣៨១ ចុះថ្ងៃទី២៣ ខែវិច្ឆិកា ឆ្នាំ២០២៣ មុខរបរ បុគ្គលិកហាងសាឡន-អ៊ុតសក់ មានទីតាំងស្ថិតនៅហាងសាឡន យីហោZOLA ផ្ទះលេខ១០៥H ផ្លូវលេខ២០០ សង្កាត់បឹងរាំង ខណ្ឌដូនពេញ រាជធានីភ្នំពេញ។
ព័ត៌មានបន្ថែមនឹងមានផ្សាយជូនលើកាសែតកោះសន្តិភាព ។
ចែករំលែកព័តមាននេះ