ខេត្តបន្ទាយមានជ័យ ៖ ស្ត្រីម្នាក់ត្រូវជនដៃដល់យកកាំបិតចំពុះទុងអាវុធAK៤៧ ដែលចងភ្ជាប់នឹងដងប្ញស្សីចាក់ចំនួន១១កន្លែងបណ្តាលឱ្យរងរបួសធ្ងន់ត្រូវសាច់ញាតិបញ្ជូនទៅមន្ទីរពេទ្យ កាលពីវេលាម៉ោង៧ព្រឹក ថ្ងៃទី២ កុម្ភៈ ២០១៤ នៅភូមិរហាល ឃុំរហាល ស្រុកព្រះនេត្រព្រះ។
ខេត្តបន្ទាយមានជ័យ ៖ ស្ត្រីម្នាក់ត្រូវជនដៃដល់យកកាំបិតចំពុះទុងអាវុធAK៤៧ ដែលចងភ្ជាប់នឹងដងប្ញស្សីចាក់ចំនួន១១កន្លែងបណ្តាលឱ្យរងរបួសធ្ងន់ត្រូវសាច់ញាតិបញ្ជូនទៅមន្ទីរពេទ្យ កាលពីវេលាម៉ោង៧ព្រឹក ថ្ងៃទី២ កុម្ភៈ ២០១៤ នៅភូមិរហាល ឃុំរហាល ស្រុកព្រះនេត្រព្រះ។
តាមការឱ្យដឹងពីលោកវរសេនីយ៍ត្រី កែវ ប៊ុនយឿន អធិការនគរបាលស្រុកព្រះនេត្រព្រះបានឱ្យដឹងថា ស្ត្រីរងគ្រោះឈ្មោះហួត ផូ អាយុ៥៧ឆ្នាំ រស់នៅភូមិ-ឃុំកើតហេតុ ចំណែកជនដៃដល់ឈ្មោះឌុក សុភាព ភេទប្រុស អាយុ២៦ឆ្នាំ មានទីលំនៅក្បែរគ្នា ។ ជននេះទើបមកពីប្រទេសថៃបាន១៥ថ្ងៃប៉ុណ្ណោះ។
លោកអធិការបានឱ្យដឹងទៀតថា មុនពេលកើតហេតុជនរងគ្រោះបានដើរចេញពីផ្ទះបាយ ស្រាប់តែឈ្មោះសុភាពនេះបានយកកាំបិតចំពុះទុងអាវុធធុនAK47 ដែលចងភ្ជាប់នឹងដងប្ញស្សីប្រហែលជាង១ម៉ែត្រចាក់សំដៅទៅលើស្ត្រីរងគ្រោះចំនួន១១កន្លែងបណ្តាលឱ្យរងរបួសធ្ងន់ដោយមិនដឹងមូលហេតុ ហើយកាលពីយប់ថ្ងៃទី ១ កុម្ភៈ ជនល្មើសបានយកញញួរវាយទៅលើឪពុករបស់ខ្លួន ថែមទាំងរករឿងឪពុក ម្តាយទៀតផង។
ទាក់ទិននឹងអំពើហិង្សាគ្មានមូលហេតុនេះ លោកវរសេនីយ៍ទោ អ៊ុន សំអន នាយការិយាល័យនគរបាលកម្រិតធ្ងន់មិនទាន់ហ៊ានសន្និដ្ឋានថា ជនល្មើសញៀនថ្នាំ ឬសរសៃប្រសាទនោះទេ ព្រោះមិនទាន់បានធ្វើតេស្តទឹកនោម និងធ្វើកោសល្យវិច័យពីគ្រូពេទ្យនៅឡើយ។
ទោះជាយ៉ាងណា ជនល្មើសត្រូវសមត្ថកិច្ចបញ្ជូនទៅសាលាដំបូងនៅព្រឹកថ្ងៃទី៣ កុម្ភៈ ដើម្បីចាត់ការតាមច្បាប់៕
ចែករំលែកព័តមាននេះ