តាមប្រភពពីទីភ្នាក់ងារព័ត៌មានក្នុងស្រុកថៃថា ការបោះឆ្នោតទូទៅក្នុងប្រទេសកាលពីថ្ងៃទី២ កុម្ភៈ កន្លងមកបានដំណើរការប្រកបដោយភាពស្ងប់ស្ងាត់ល្អ ប៉ុន្តែក៏នៅមិនទាន់ឈានទៅរកការបញ្ចប់វិបត្តិផ្នែកនយោបាយដែលអូសបន្លាយរយៈពេលដ៏យូរនៅឡើយ រួចគេទាយទុកថារដ្ឋាភិបាលនឹងប្រឈមមុខរយៈពេលជាច្រើនខែលើការតវ៉ា ការប្តឹងរួចនឹងមានការជាប់គាំង ។
តាមប្រភពពីទីភ្នាក់ងារព័ត៌មានក្នុងស្រុកថៃថា ការបោះឆ្នោតទូទៅក្នុងប្រទេសកាលពីថ្ងៃទី២ កុម្ភៈ កន្លងមកបានដំណើរការប្រកបដោយភាពស្ងប់ស្ងាត់ល្អ ប៉ុន្តែក៏នៅមិនទាន់ឈានទៅរកការបញ្ចប់វិបត្តិផ្នែកនយោបាយដែលអូសបន្លាយរយៈពេលដ៏យូរនៅឡើយ រួចគេទាយទុកថារដ្ឋាភិបាលនឹងប្រឈមមុខរយៈពេលជាច្រើនខែលើការតវ៉ា ការប្តឹងរួចនឹងមានការជាប់គាំង ។
លោកថារូពង្ស រឿងសុវណ្ណ រដ្ឋមន្ត្រីក្រសួងមហាផ្ទៃថៃថ្លែងថា ការបោះឆ្នោតលើកនេះ បង្ហាញឱ្យឃើញថា ពលរដ្ឋថៃមានជំនឿចិត្តលើប្រជាធិបតេយ្យ ប្រជាជនគ្មានបារម្ភ និងចេញទៅបោះឆ្នោតនៅថ្ងៃទី២ កុម្ភៈ ។ យើងតស៊ូយ៉ាងស្អិតរមួតដើម្បីលទ្ធិប្រជាធិបតេយ្យនៅក្នុងប្រទេសថៃ និងបានពិសោធឱ្យឃើញថា ពលរដ្ឋថៃភាគច្រើនមានទំនុកចិត្តលើការបោះឆ្នោត ។
លទ្ធផលឆ្នោតមិនទាន់មានការចេញផ្សាយ ហើយក៏គ្មានការប្រារព្ធពិធីជ័យជំនះរបស់លោកស្រីយីងឡាក់ដែរ ព្រោះនៅមានអាសនៈក្នុងសភាជាច្រើនទៀតមិនទាន់មានម្ចាស់ដោយសារតែគ្មានបេក្ខជនចូលរួមឈរឈ្មោះបោះឆ្នោត ។ បញ្ហានេះស្ថិតក្នុងឧបសគ្គមួយដែលថា លោកស្រីយីងឡាក់ ស៊ីណាវ៉ាត្រា អាចទទួលបណ្តឹងតាមផ្លូវច្បាប់ឱ្យការបោះឆ្នោតក្លាយជាមោឃៈ រួមទាំងការប្រឈមមុខលើការតវ៉ាធ្ងន់ធ្ងរ, ការឆ្លងច្បាប់ និងការអនុម័តលើថវិកាជាតិដើម្បីលើកស្ទួយសេដ្ឋកិច្ចក្នុងប្រទេសជាដើម ។
ថ្ងៃទី២៣ កុម្ភៈ ខាងមុខនេះត្រូវបានកំណត់ជាថ្ងៃបោះឆ្នោតមួយផ្នែកសម្រាប់បណ្តាអ្នកបោះឆ្នោតមុនថ្ងៃកំណត់ គឺកាលពីថ្ងៃទី២៦ មករា កន្លងមក ហើយមិនអាចបោះឆ្នោតបានព្រោះតែការអុកឡុករបស់ពួកបាតុករ ៕
ចែករំលែកព័តមាននេះ