ខេត្តឧត្តរមានជ័យ ៖ បុរសម្នាក់បានរងរបួសធ្ងន់ដោយសារដុតសំរាមក្បែរផ្ទះប៉ះចំគ្រាប់រំសេវឆាបឆេះរលាកពេញមុខ និងដងខ្លួន បង្កឱ្យមានការភ្ញាក់ផ្អើលកាលពីវេលាម៉ោង១០ព្រឹក ថ្ងៃទី៣១ មករា ២០១៤ នៅភូមិស្រែកណ្តាល ឃុំ-ស្រុកត្រពាំងប្រាសាទ ខេត្តឧត្តរមានជ័យ។
ខេត្តឧត្តរមានជ័យ ៖ បុរសម្នាក់បានរងរបួសធ្ងន់ដោយសារដុតសំរាមក្បែរផ្ទះប៉ះចំគ្រាប់រំសេវឆាបឆេះរលាកពេញមុខ និងដងខ្លួន បង្កឱ្យមានការភ្ញាក់ផ្អើលកាលពីវេលាម៉ោង១០ព្រឹក ថ្ងៃទី៣១ មករា ២០១៤ នៅភូមិស្រែកណ្តាល ឃុំ-ស្រុកត្រពាំងប្រាសាទ ខេត្តឧត្តរមានជ័យ។
តាមសម្តីរបស់ស្ត្រីម្នាក់ឈ្មោះដា នី អាយុ២០ឆ្នាំ ជាភរិយាជនរងគ្រោះបានឱ្យដឹងថា ប្តីរបស់នាងឈ្មោះសេង មនោរម្យ អាយុ២២ឆ្នាំ រស់នៅភូមិ-ឃុំខាងលើ ។ ស្ត្រីរូបនេះបានបញ្ជាក់ថា មុនពេលកើតហេតុប្តីរបស់នាងបានកាយសំរាមជុំវិញផ្ទះប្រមូលដុត ពេលកំពុងដុតស្រាប់តែមានអណ្តាតភ្លើងឆាបឆេះឡើងសន្ធោសន្ធៅតម្រង់មកលើប្តីរបស់នាងបណ្តាលឱ្យរលាកពេញដងខ្លួន និងផ្ទៃមុខតែម្តង។
ក្រោយកើតហេតុប្តីរបស់នាងត្រូវបានសាច់ញាតិនាំទៅសង្គ្រោះនៅមន្ទីរពេទ្យបង្អែកស្រុកអន្លង់វែង ហើយគ្រូពេទ្យប្រាប់ថា មានសភាពធ្ងន់ធ្ងរ ជាពិសេសប៉ះពាល់ដល់គ្រាប់ភ្នែក ដូច្នេះអ្នកជំងឺត្រូវបានបញ្ជូនបន្តទៅមន្ទីរពេទ្យខេត្តសៀមរាប៕
ចែករំលែកព័តមាននេះ