រាជធានីភ្នំពេញ ៖ បុរសម្នាក់រងរបួសបាក់ជើងម្ខាង និងបានអះអាងថា ត្រូវគេព្រួតវាយធ្វើបាបនៅម្តុំខាងកើតស្ពានអាកាស៧មករា បន្ទាប់មកត្រូវគេដឹកតាមម៉ូតូមួយគ្រឿងចេញពីទីនោះទៅទម្លាក់ចោលនៅមុខផ្សារពោធិ៍ចិនតុង ហើយជនរងគ្រោះបានលូនទៅកាន់អធិការដ្ឋានខណ្ឌពោធិ៍សែនជ័យ ដើម្បីឱ្យជួយអន្តរាគមន៍ ។
រាជធានីភ្នំពេញ ៖ បុរសម្នាក់រងរបួសបាក់ជើងម្ខាង និងបានអះអាងថា ត្រូវគេព្រួតវាយធ្វើបាបនៅម្តុំខាងកើតស្ពានអាកាស៧មករា បន្ទាប់មកត្រូវគេដឹកតាមម៉ូតូមួយគ្រឿងចេញពីទីនោះទៅទម្លាក់ចោលនៅមុខផ្សារពោធិ៍ចិនតុង ហើយជនរងគ្រោះបានលូនទៅកាន់អធិការដ្ឋានខណ្ឌពោធិ៍សែនជ័យ ដើម្បីឱ្យជួយអន្តរាគមន៍ ។
ហេតុការណ៍នេះបង្កឱ្យភ្ញាក់ផ្អើលកាលពីកាលពីវេលាម៉ោង៧ព្រឹកថ្ងៃទី៣ កុម្ភៈ ២០១៤ ស្ថិតនៅតាមបណ្តោយមហាវិថីសហព័ន្ធរុស្ស៊ី ត្រង់ចំណុចអធិការដ្ឋាននគរបាលខណ្ឌពោធិ៍សែនជ័យ រាជធានីភ្នំពេញ ។ បុរសនោះបានរៀបរាប់ថា ខ្លួនឈ្មោះអាន ផល ហៅអានឆៃ អាយុ៣៧ឆ្នាំ ជាអ្នកលក់គ្រឿងសំណង់នៅដេប៉ូលក់គ្រឿងសំណង់ចែមុំនៅម្តុំថ្នល់បំបែកចោមចៅ មានស្រុកកំណើតនៅស្រុកស្រែអំបិល ខេត្តកំពត ។
ជនរងគ្រោះបានបន្តទៀតថា រូបគេបានរងរបួសបាក់ជើងខាងឆ្វេងដោយសារតែត្រូវគេព្រួតវាយ ខណៈដែលរូបគេចូលទៅក្នុងផ្ទះប្រជាពលរដ្ឋមួយនៅម្តុំខាងកើតស្ពានអាកាស៧មករា បន្ទាប់មកមានមន្ត្រីប៉ូលិសចុះទៅដល់ និងបានជិះម៉ូតូដឹករូបគេចេញពីទីនោះយកទៅទម្លាក់ចោលនៅម្តុំមុខផ្សារពោធ៍ចិនតុង រួចមន្ត្រីប៉ូលិសនោះបាននាំគ្នាជិះម៉ូតូទៅបាត់ស្រមោល ក្រោយមករូបគេបានលូនទៅកាន់អធិការដ្ឋានខណ្ឌពោធិ៍សែនជ័យ ដើម្បីឱ្យប៉ូលិសជួយអន្តរាគមន៍ ។
ចែករំលែកព័តមាននេះ