រាជធានីភ្នំពេញ ៖ កម្មករ-កម្មការិនីក្រុមហ៊ុនដឹកសំរាមស៊ិនទ្រីប្រមាណជាង១ពាន់នាក់បានប្រមូលផ្តុំគ្នាធ្វើកូដកម្មនៅក្នុងចំណតរថយន្តដឹកសំរាមក្រុមហ៊ុនស៊ិនទ្រី ដែលមានទីតាំងស្ថិតក្នុងភូមិខ្វា សង្កាត់ដង្កោ ខណ្ឌដង្កោ ដើម្បីទាមទារលក្ខខណ្ឌការងារ៧ចំណុច។
រាជធានីភ្នំពេញ ៖ កម្មករ-កម្មការិនីក្រុមហ៊ុនដឹកសំរាមស៊ិនទ្រីប្រមាណជាង១ពាន់នាក់បានប្រមូលផ្តុំគ្នាធ្វើកូដកម្មនៅក្នុងចំណតរថយន្តដឹកសំរាមក្រុមហ៊ុនស៊ិនទ្រី ដែលមានទីតាំងស្ថិតក្នុងភូមិខ្វា សង្កាត់ដង្កោ ខណ្ឌដង្កោ ដើម្បីទាមទារលក្ខខណ្ឌការងារ៧ចំណុច។
ការតវ៉ានេះបានធ្វើឡើងតាំងពីវេលាម៉ោង៧ និង៣០នាទីយប់ ថ្ងៃទី២ កុម្ភៈ ២០១៤ តែដោយមានការសម្របសម្រួលពន្យល់ណែនាំពីលោកប្រាជ្ញ សីហា អភិបាលរងខណ្ឌដង្កោ ពួកគេបានបំបែកគ្នាត្រឡប់ទៅផ្ទះវិញទាំងយប់ លុះដល់ព្រឹកថ្ងៃទី៣ កុម្ភៈ នេះ ពួកគេបានមកប្រមូលផ្តុំគ្នាតវ៉ាបន្តទៀត។
ក្រុមកម្មករដែលធ្វើកូដកម្មបានឱ្យដឹងថា ពួកគេមានគ្នាប្រមាណជាង១ពាន់នាក់ ក្នុងនោះមានចាប់ពីអ្នកបោសសំរាម ប្រមូលសំរាមរហូតដល់អ្នកបើកបររថយន្ត និងជាងជួសជុលរថយន្តផងដែរ។
លក្ខខណ្ឌការងារ៧ចំណុចដែលពួកគេទាមទារ រួមមាន ១-សុំឱ្យថៅកែដំឡើងប្រាក់ខែគោលចំនួន១៥០ដុល្លារក្នុង១ខែ, ២-សុំកុំឱ្យថៅកែកាត់ប្រាក់ថ្លៃកាត់សម្លៀកបំពាក់បុគ្គលិក កម្មករ កម្មការិនីទាំងអស់, ៣-ទាមទារប្រាក់បំណាច់ឆ្នាំ, ៤-ស្នើសុំឱ្យមានប្រាក់ទ្រទ្រង់សុខភាព ការស្នាក់នៅ និងធ្វើដំណើរ, ៥-សុំឱ្យមានដំណោះស្រាយរាល់ពេលបុគ្គលិកកម្មករមានគ្រោះថ្នាក់ចរាចរណ៍, ៦-ស្នើសុំប្រាក់ខែគោលចំនួន២០០ដុល្លារក្នុង១ខែសម្រាប់អ្នកបើកបររថយន្ត និងជាងជួសជុលរថយន្ត និង៧-ស្នើសុំឱ្យមានបុគ្គលិកពេទ្យប្រចាំការនៅក្នុងក្រុមហ៊ុន។
ចែករំលែកព័តមាននេះ