ដំណឹង​អាក្រក់​សម្រាប់ Man Utd ខ្សែការពារ​ឆ្នើម​១​រូប​នឹង​បាត់​មុខ​៦​ស​ប្តា​ហ៍


តាមប្រភពព័ត៌មាន The Sun បានឱ្យដឹងថា កីឡាកររបស់ក្លិបបិសាចក្រហម Eric Bailly នឹងត្រូវបាត់មុខពីការប្រកួតយ៉ាងហោចណាស់៦សប្តាហ៍ ក្រោយពីរបួសជង្គង់ពេលប្រកួតជាមួយនឹង Tottenham។

កីឡាករ Eric Bailly បានលេងយ៉ាងល្អកាលពីថ្ងៃព្រហស្បត្តិ៍កន្លងមកនេះ ក្នុងការប្រកួតជាមួយនឹង Tottenham Spurs នៅសៀងហៃ មុនពេលរងរបួសជង្គង់។ ជាលទ្ធផល ខាងបិសាចក្រហមបានឈ្នះ Tottenham 2-1។

កីឡាករអាយុ២៥ឆ្នាំរូបនេះ បានត្រលប់មកអង់គ្លេសវិញ ជាមួយនឹងរទេះរុញ​ និង ប្រដាប់អបជើង ក្រោយពីប៉ះគ្នាជាមួយនឹង Son Heung-min។ គេនឹងត្រូវមិនបានឡើងប្រកួតពេលចូលរដូវកាល Premier League នោះទេ ព្រោះគេត្រូវសម្រាកមិនទាត់បាល់យ៉ាងហោចណាស់៦សប្តាហ៍ បើយោងតាមការលើកឡើងរបស់ ESPN។ ដើម្បីឱ្យដឹងច្បាស់ពីស្ថានភាពជង្គង់ គេក៏បានធ្វើការស្កេនមើល ហើយក៏ឃើញថា របួសនេះទាមទារឱ្យធ្វើការវះកាត់តូចមួយ។

គួរបញ្ជាក់ផងដែរថា នេះមិនមែនជារបួសលើកទីមួយរបស់ Bailly នោះទេ។ គេធ្លាប់របួសជាច្រើនដងនៅក្លិបបិសាចក្រហម ដែលភាគច្រើនជាបញ្ហាជង្គង់និងកជើង។ ដោយសារតែហេតុនេះហើយ គេមិនបានឡើងទាត់១២ដង កាលពីរដូវកាលមុន ៕

ប្រភព ៖ thesun , កែសម្រួលដោយ ៖ សំណាង

Facebook Google Twitter Email

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ