ខាងក្រោមនេះជារឿងរ៉ាវ៨ចំណុចដែលលោកអ្នកគួរដឹងអំពីឆ្នាំថ្មីឆ្នាំមមីតាមប្រពៃណីចិន ៖
១-រាសីចក្ររបស់ចិន ឬហៅថា សេងស៊ាវគឺជាប្រតិទិនដែលចាប់កំណើតឡើងនៅសម័យរាជវង្សហាន(២០៦-២២០មុនគ្រឹស្ដរាជ)។ រាសីចក្រនេះបានកំណត់ឈ្មោះឆ្នាំទាំង១២តាមឈ្មោះសត្វមានឆ្នាំជូត ឆ្លូវ ខាល ថោះ រោង ម្សាញ់ មមី មមែ វក រកា ច និងកុរ ។ យោងតាមប្រព័ន្ធប្រតិទិននេះ ចក្កវាឡទាំងមូលបង្កើតឡើងពីធាតុទាំងប្រាំ គឺ ទឹក ដី ភ្លើង ដែក និងឈើ ដែលទាក់ទងនឹងសត្វទាំង១២ ។
២-គេនិយាយថា មនុស្សដែលកើតឆ្នាំមមីមានលក្ខណៈដូចសត្វសេះ គឺរស់រវើក សកម្ម និងស្វាហាប់។ គេស្រឡាញ់ការរស់នៅជាក្រុម ហើយគេរៀនរស់នៅដោយឯករាជ្យបានឆាប់រហ័ស ។ កូនសេះដែលសម្រាលបានប៉ុន្មាននាទីអាចដើរបាន ។ មនុស្សកើតឆ្នាំមមីមានអាកប្បកិរិយាវិជ្ជមាន និងទៀងត្រង់ចំពោះជីវិត ព្រមទាំងមានជំនាញខាងការទាក់ទង និងឆ្លាត ហើយកំប្លែង ។
៣-ប្រសិនបើអ្នកកើតឆ្នាំមមី លោកអ្នកគួរតែរកដៃគូដែលកើតឆ្នាំខាល មមែ ឬច ។ ត្រូវចៀសវៀងអ្នកដែលកើតឆ្នាំជូត ឆ្លូវ ថោះ ឬឆ្នាំមមីដែរ ។
៤-ប្រសិនបើរឿងរ៉ាវប៉ុន្មានខាងលើមិនត្រូវទេសូមកុំបារម្ភ ។ សញ្ញាសត្វនៃឆ្នាំ នីមួយៗគ្រាន់តែបង្ហាញពីរបៀបដែលអ្នកដទៃមើលមកអ្នក ឬរបៀបដែលអ្នកជ្រើសរើសដើម្បីបង្ហាញខ្លួនអ្នកផ្ទាល់ប៉ុណ្ណោះ។ ក៏មានសញ្ញាសត្វសម្រាប់ខែនីមួយៗផងដែរ ដែលគេហៅថា សត្វខាងក្នុង សញ្ញាសម្រាប់ថ្ងៃ នីមួយៗហៅថា សត្វពិត ហើយសត្វសម្រាប់ម៉ោង នីមួយៗហៅថា សត្វអាថ៌កំបាំង ។
៥-យោងតាមជំនឿឆ្វេងនិយមមួយនៅក្នុងឆ្នAរាសីចក្ររបស់អ្នក លោកអ្នកនឹងប្រព្រឹត្តខុសនឹងទេវតាអាយុ ឬតាយស៊ួយ ហើយអ្នកនឹងមានសំណាងអាក្រក់ សម្រាប់រយៈពេលពេញមួយឆ្នាំ ។ ដើម្បីបញ្ចៀសសំណាងអាក្រក់នេះ លោកអ្នកគួរតែពាក់ សម្លៀកបំពាក់ពណ៌ក្រហម ដែលអ្នកណាម្នាក់ផ្តល់ឲ្យ ។ ជាទូទៅ ពណ៌ផ្តល់សំណាងរបស់ហ្វូងសេះ គឺពណ៌បៃតង ក្រហម និងស្វាយ ចំណែកលេខសំណាងគឺលេខ៣, ៤និងលេខ៩ ហើយផ្កានំាសំណាងគឺផ្កាក្តាត និងផ្កាម្លិះ ។
៦-លោកRaymond Lo គ្រូហុងស៊ុយ និងជាអ្នកទស្សន៍ទាយជោគជតារាសី និយាយថា ឆ្នាំមមីជាឆ្នាំដែលមនុស្សប្រកាន់យកគោលការណ៍រឹងប៉ឹង ពោលគឺធ្វើឲ្យការចរចាលំបាក ។ ឧទាហរណ៍ឆ្នាំ២០០២ គឺជាឆ្នាំដែលតារាបាល់ទាត់Roy Keane និងគ្រូបង្វឹកបាល់ទាត់លោកMick McCartney ឈ្លោះប្រកែកគ្នាតឹងសរសៃកនៅក្នុងការប្រកួតបាល់ទាត់ពិភពលោក ។ ឆ្នាំ១៩៩០ជាឆ្នាំកុបកម្មពន្ធបោះឆ្នោត ចំណែកឯភាវូបនីយកម្មរបស់អាល្លឺម៉ង់ក៏កើតឡើងនៅក្នុងឆ្នាំ១៩៩០ដែរ ។
៧-មនុស្ស ល្បីៗជាច្រើននៅក្នុងប្រវត្តិសាស្ត្រ ដែលកើតឆ្នាំមមីមានដូចជា ហ្សាងហ្ស៊ីខាន់មេដឹកនាំមុ៉ុងហ្គោលី Franklin D Rooseveltប្រធានាធិបតីទី៣២ របស់អាមរិក, Louis Pasteur អ្នកវិទ្យាសាស្ត្រសតវត្សរ៍ទី១៩, Neil Armstrong មនុស្សដំបូងដែលបានទៅដល់ឋានព្រះចន្ទ,តារាចម្រៀងអាមេរិកAretha Franklin និងតារាម៉ូដែលCindy Crawford ។
៨-ឆ្នាំមមីក៏ជាឆ្នាំដែលពាក់ព័ន្ធនឹងសង្គ្រាមដែរ ។ តួយ៉ាងដូចជា សង្គ្រាមឌៀនបៀនភូ ជាពេលដែលបារាំងចាញ់ក្រោមដៃកងទ័ពវៀតណាម កាលពីឆ្នាំ១៩៥៤ ហើយឆ្នាំ១៨៩៤ជាការចាប់ផ្តើមសង្រ្គាមចិន ជប៉ុនលើកដំបូង ។ផ្អែកលើកំណត់ត្រាប្រវត្តិសាស្ត្រនេះ បង្ហាញថា វាបានកើតឡើងនៅក្នុងឆ្នាំមមីទាំងអស់ តែគេមិនអាចនិយាយបានយ៉ាងណាទេសម្រាប់ឆ្នាំ២០១៤នេះ ៕
ចែករំលែកព័តមាននេះ