រាជធានីភ្នំពេញ ៖ ប្រធានគណៈកម្មការការបទេសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា លោកឈាង វុន បានអះអាងថា សេចក្តីព្រាងច្បាប់ស្តីពីកិច្ចការពារអ្នកប្រើប្រាស់ និងសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិច…
រាជធានីភ្នំពេញ ៖ ប្រធានគណៈកម្មការការបទេសសហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា លោកឈាង វុន បានអះអាងថា សេចក្តីព្រាងច្បាប់ស្តីពីកិច្ចការពារអ្នកប្រើប្រាស់ និងសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិច និងផ្តល់សិទ្ធិ អំណាចដល់ប្រជាពលរដ្ឋ ។
លោក ឈាង វុន បានឲ្យដឹងក្រោយកិច្ចប្រជុំគណៈកម្មាធិការអចិន្ត្រៃយ៍នាព្រឹកថ្ងៃទី២៦ ខែកក្កដា ឆ្នាំ២០១៩ថា សេចក្តីព្រាងច្បាប់ស្តីពីកិច្ចការពារអ្នកប្រើប្រាស់នឹងផ្តល់សិទ្ធិអំណាចដល់ប្រជាពលរដ្ឋដែលជាអ្នកប្រើប្រាស់ផលិតផលនានាដែលធ្វើឲ្យប៉ះពាល់ដល់គុណភាព ។ លោកបញ្ជាក់ថា ៖«តាមរយៈច្បាប់នេះ គឺជាគោលការណ៍របស់សម្តេចតេជោហ៊ុន សែន នាយករដ្ឋមន្ត្រី គឺកាន់តែលិចរូបរាង្គកាន់តែច្បាស់ឡើងៗស្របពេលនឹងការអភិវឌ្ឍន៍សេដ្ឋកិច្ច និងជីវភាពរបស់ប្រជាពលរដ្ឋដែលកំពុងកើនឡើង» ។
ជាមួយគ្នានោះដែរលោក ឈាង វុន ក៏បានឲ្យដឹងថា ដើម្បីការពារអាជ្ញាធររាជរដ្ឋាភិបាល និងការពារផ្សេងៗពាក់ព័ន្ធនឹងពាណិជ្ជកម្មអេឡិចត្រូចនិចដូចជា ការលក់ទំនិញ ការទិញតាមរយៈហ្វេសប៊ុក អន ឡាញនេះ តាមរយៈច្បាប់នេះក៏កំពុងកំណត់ថា ត្រូវមានកាតព្វកិច្ចអ្វីខ្លះចំពោះអ្នកលក់តាមប្រព័ន្ធអេឡិចត្រូនិច ឬអនឡាញផងដែរ ។ លោកបញ្ជាក់ថា ៖«ការលក់តាមអេឡិចត្រូនិចអាឡូវនេះដូចជា មិនមានលុយបង់ចូលរដ្ឋ ។
ដូច្នេះការធ្វើច្បាប់នេះ គឺដើម្បីប្រមូលធនធានថវិកាទៅប៉ះប៉ូវដល់ប្រជាពលរដ្ឋដែលមានជីវ ភាពនៅមានកម្រិតដូចជា ការដំឡើងប្រាក់បៀវត្សរបស់មន្ត្រីរាជការ គ្រូបង្រៀន …និងដោះ ស្រាយបញ្ហាសង្គមជាដើម» ។ លោកបន្ថែមថា ប្រាក់ខែប្រមូលពីការយកពន្ធតាមប្រព័ន្ធអេឡិតត្រូនិចក៏នឹងយកជួយដល់កម្មករ ពលករ ចាស់ជរា ស្ត្រីមេម៉ាយដែលគ្មានការងារធ្វើនៅក្នុងសង្គមផងដែរ ។ លោកថា សេចក្តីព្រាងច្បាប់នេះក៏នឹងរឹងបណ្តឹងចំពោះអ្នកដែលលក់ដូរតាមប្រព័ន្ធអេឡិចត្រូនិចដែលកំពុងគេចពីការបង់ពន្ធជូនរដ្ឋ ។
លោកថា៖«រឿងគេចការបង់ពន្ធនេះយើងមិនអាចឲ្យរួចបានឡើយ អីញ្ចឹងយើងត្រូវធ្វើយ៉ាងម៉េចអាអ្វីដែលគាត់ជាប់ពន្ធត្រូវតែជាប់ពន្ធដដែល ។ ដូចជា គាត់ធ្លាប់លក់ជីគីមី តាមផ្ទះរបស់គាត់ ឬសំពត់ហូលមកលក់តាមអនឡាញគាត់ រួចពន្ធបាត់ អីញ្ចឹងរឿងនេះយើងត្រូវដោះស្រាយមិនត្រូវឲ្យគេចពន្ធនោះទេ» ។ លោក ឈាង វុន ក៏បានអះអាងថា ដើម្បីការពារនោះច្បាប់ទាំងពីរ ដែលត្រូវបញ្ជូនគណៈកម្មការជំនាញរដ្ឋសភាពិនិត្យ គឺមានទំនាក់ទំនងគ្នាក្នុងនោះក៏ពាក់ព័ន្ធនឹង ព័ត៌មានមិនពិតផងដែរដូចជា ករណីលក់ផលិតផលបំប៉ន់សុខភាពបុរសជាដើម ប៉ុន្តែនៅពេលប្រើប្រាស់ ហើយប៉ះពាល់ដល់សុខភាពតែមិនដឹងទៅប្តឹងរកមុខអ្នកណា0x017d7 ជាមួយគ្នានោះដែរ តាមរយៈច្បាប់នេះប្រជាពលរដ្ឋមានសិទ្ធិប្តឹងផ្តល់ដល់អ្នកលក់បានផងដែរ ។
សូមជម្រាបថា កិច្ចប្រជុំគណៈកម្មាធិការអចិន្ត្រៃយ៍រដ្ឋសភានៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ សម្ដេចអគ្គមហាពញាចក្រី ហេង សំរិន ប្រធានរដ្ឋសភានៅព្រឹកថ្ងៃទី២៦ បានសម្រេចទទួលយកសេចក្តីព្រាងច្បាប់ស្តីពីកិច្ចការពារអ្នកប្រើប្រាស់ និងសេចក្តីព្រាងច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិច ដែលស្នើឡើងដោយរាជរដ្ឋាភិបាលមកពិនិត្យសិក្សា ។
គណៈកម្មាធិការអចិន្ត្រៃយ៍រដ្ឋសភាបានអនុម័តប្រគល់សេចក្តីព្រាងច្បាប់ទាំងពីរនេះឲ្យគណៈកម្មការសាធារណការដឹកជញ្ជូនទូរគមនាគមន៍ ប្រៃសណី ឧស្សាហកម្ម រ៉ែ ថាមពល ពាណិជ្ជកម្មរៀបចំដែនដី នគរូបនីយកម្ម និងសំណង់ ពិនិត្យសិក្សា ហើយធ្វើរបាយការណ៍ជូនគណៈកម្មាធិការអិចន្ត្រៃយ៍រដ្ឋសភាវិញ ។
គណៈកម្មាធិការអចិន្ត្រៃយ៍រដ្ឋសភាបានប្រគល់ភារកិច្ចដល់អគ្គលេខាធិការដ្ឋានរដ្ឋសភាធ្វើសេចក្តីជូនដំណឹង និងផ្សព្វផ្សាយជាសាធារណៈជ្រើសរើសឥស្សរជនដែលមានលក្ខណៈសម្បត្តិសមស្រប ៕ កែសម្រួលដោយ ៖ សុឃាក់
ចែករំលែកព័តមាននេះ