ខេត្តមណ្ឌលគិរី ៖ បុរសម្នាក់បានរងរបួសបាក់ជើង បន្ទាប់ពីត្រូវរថយន្តមួយគ្រឿងបើកដេញបំបុក ដោយសារតែការផឹកស៊ីឈ្លោះប្រកែកគ្នា ។ ហេតុការណ៍នេះ បានកើតទ្បើងកាលពីវេលាម៉ោង៤និង៣០នាទីល្ងាច ថ្ងៃទី៣១ មករា ក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ។
ខេត្តមណ្ឌលគិរី ៖ បុរសម្នាក់បានរងរបួសបាក់ជើង បន្ទាប់ពីត្រូវរថយន្តមួយគ្រឿងបើកដេញបំបុក ដោយសារតែការផឹកស៊ីឈ្លោះប្រកែកគ្នា ។ ហេតុការណ៍នេះ បានកើតទ្បើងកាលពីវេលាម៉ោង៤និង៣០នាទីល្ងាច ថ្ងៃទី៣១ មករា ក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ។
សាក្សីនៅកន្លែងកើតហេតុបានឱ្យដឹងថា គេឃើញបុរស៤នាក់ជិះម៉ូតូ២គ្រឿង និងបុរស២នាក់ទៀតជិះរថយន្តមួយគ្រឿងមកឈប់នៅក្បែរហាងខារ៉ាអូខេមួយក្នុងគោលបំណងចូលច្រៀងខារ៉ាអូខេ ។ ពួកគេគឺជាមិត្តភក្តិនឹងគ្នា ប៉ុន្តែខណៈពេលកំពុងនិយាយគ្នាក៏មានការឈ្លោះប្រកែកប្រទាញប្រទង់ ហើយវាយតប់គ្នា ។ ភ្លាមៗនោះ ជនដែលជាម្ចាស់រថយន្តបានទ្បើងរថយន្តបើកបំបុកបុរសទាំង៤នាក់អ្នកជិះម៉ូតូ ប៉ុន្តែក្នុងចំណោម៤នាក់នោះ គឺ៣នាក់បានលោតគេចខ្លួនផុតពីគ្រោះថ្នាក់ នៅសល់ម្នាក់
គេចមិនផុចក៏ត្រូវរថយន្តបុកជាមួយម៉ូតូអូសពីក្រោមរថយន្តប្រមាណ៥០ម៉ែត្រ បណ្តាលឱ្យរងរបួសបាក់ជើងខាងឆ្វេង ហើយជនដែលបើករថយន្តដេញបុកក៏បានរត់គេចខ្លួនបាត់បន្សល់ទុករថយន្តខាំជាប់ម៉ូតូ១គ្រឿងពីក្រោម ។
មន្ត្រីសមត្ថកិច្ចបានឱ្យដឹងថា ជនបង្កគ្រោះថ្នាក់ឈ្មោះ យឹម ឆៃយ៉ា អាយុ២៨ឆ្នាំ មានទីលំនៅក្នុងភូមិក្រងតេះ ឃុំក្រងតេះ ស្រុកពេជ្រាដា គឺជាកូនរបស់លោកនាយប៉ុស្តិ៍នគរបាលរដ្ឋបាលឃុំក្រងតេះ បើករថយន្តម៉ាកតាកូម៉ា ពណ៌ស ពាក់ស្លាកលេខភ្នំពេញ ២M-៥៦៤៨ ។ ចំណែកជនរងគ្រោះឈ្មោះ ថន រតនា អាយុ២០ឆ្នាំ មានទីលំនៅក្នុងភូមិដោះក្រមុំ សង្កាត់សុខដុម ក្រុងសែនមនោរម្យ ។ បច្ចុប្បន្នរថយន្តនិងម៉ូតូ ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលក្រុងសែនមនោរម្យ ដើម្បីដោះស្រាយតាមនីតិវិធី ។
ទាក់ទងនឹងការឈ្លោះប្រកែកគ្នារហូតដល់បើករថយន្តដេញបុកនេះ មិនទាន់ស្វែងរកការបំភ្លឺបាននៅទ្បើយទេ ដោយគេគ្រាន់តែដឹងថា ពួកគេជាមិត្តភក្តិនឹងគ្នាបម្រុងនាំគ្នាចូលច្រៀងខារ៉ាអូខេ ស្រាប់តែទាស់គ្នារហូតមានការប្រទូស្តរ៉ាយផងដែរ ៕
ចែករំលែកព័តមាននេះ