រាជធានីភ្នំពេញ ៖ រថយន្តតូយ៉ូតាព្រូសបើកបរដោយបុរសជនជាតិចិនជ្រុលទៅបុកនិងក្បាលនាគថ្មពុះចែកទ្រូងផ្លូវបណ្ដាលឲ្យរថយន្តហោះគងជាប់ក្បាលនាគ រងការខូចខាតយ៉ាងដំណំ ។ ហេតុការណ៍ខាងលើនេះ បានកើតឡើងកាលពីវេលាម៉ោង១០យប់ថ្ងៃទី១៧ខែសីហាឆ្នាំ២០២៥ ជិតរង្វង់មូលកោះពេជ្រ ផ្លូវកោះពេជ្រ សង្កាត់ទន្លេបាសាក់…
រាជធានីភ្នំពេញ ៖ រថយន្តតូយ៉ូតាព្រូសបើកបរដោយបុរសជនជាតិចិនជ្រុលទៅបុកនិងក្បាលនាគថ្មពុះចែកទ្រូងផ្លូវបណ្ដាលឲ្យរថយន្តហោះគងជាប់ក្បាលនាគ រងការខូចខាតយ៉ាងដំណំ ។
ហេតុការណ៍ខាងលើនេះ បានកើតឡើងកាលពីវេលាម៉ោង១០យប់ថ្ងៃទី១៧ខែសីហាឆ្នាំ២០២៥ ជិតរង្វង់មូលកោះពេជ្រ ផ្លូវកោះពេជ្រ សង្កាត់ទន្លេបាសាក់ ខណ្ឌ ចំការមន រាជធានីភ្នំពេញ ។
តាមប្រភពព័ត៌មានបានអោយដឹងថា មុនពេលកើតហេតុ គេបានឃើញបុរសជនជាតិចិនម្នាក់បើករថយន្តម៉ាកតូយ៉ូតាព្រុស ពណ៌ស្ករ ពាក់ស្លាកលេខ ភ្នំពេញ 2BF-0901 ធ្វើដំណើរតាមបណ្ដោយផ្លូវកោះពេជ្រទិសដៅពីត្បូងទៅជើង លុះមកដល់ចំនុចកើតហេតុ ក៍បានវ៉ាជែងគ្នា ធ្វើអោយរថយន្តនោះជ្រុលទៅបុកនិងក្បាលនាគថ្មពុះចែកទ្រូងផ្លូវយ៉ាងពេញទំហឹង បណ្ដាលឲ្យរថយន្ត ហោះគងជាប់ពីលើក្បាលនាគថ្មរងការខូចខាតខ្ទេចស្រុញផ្នែកខាងមុខ តែមិនគ្រោះថ្នាក់ដល់មនុស្ស ។ ដោយឡែកក្បាលនាគថ្មពុះចែកទ្រូងផ្លូវវិញរងការខូចខាតតិចតួចតែប៉ុណ្ណោះ ។
ក្រោយកើតហេតុ មានតំណាងភាគីទាំងពីរបានសម្របសម្រួលគ្នាដោយខាងរថយន្តជួយចេញថ្លៃការជួសជុលអោយទៅខាងក្រុមហ៊ុន កោះពេជ្របញ្ចប់រឿងតែម្តង ៕
ចែករំលែកព័តមាននេះ