ខេត្តប៉ៃលិន ៖ អំពើហិង្សាមួយបានកើតឡើងបណ្តាលឲ្យស្រ្តីម្នាក់រងរបួសជាំពេញខ្លួន ដៃជើង ដោយសារប្តីរបស់ខ្លួនវាយតប់ ចាប់សក់ក្បាលបោកទៅនឹងកង់រថយន្ត ខណៈដែលទៅសុំបើកលុយខែរបស់ប្តីពីថៅកែ តែប្តីមិនចង់ឲ្យយក ដែលហេតុការណ៍នេះ បានកើតឡើងនៅវេលាម៉ោង ៨ និង ៤០នាទី យប់ថ្ងៃទី០១ កុម្ភៈ ២០១៤ ស្ថិតនៅមុខផ្ទះថៅកែម្នាក់ឈ្មោះ ថូ ចំរើន ក្នុងភូមិបរឌិននៀវ សង្កាត់ប៉ៃលិន ក្រុងប៉ៃលិន។
ស្រ្តីរងគ្រោះឈ្មោះ រ័ត្ន សុភ័ស្ស អាយុ ៣៩ឆ្នាំ ជាកម្មករកាច់ពោត និងដកដំឡូងមី មានស្រុកកំណើតនៅភូមិជ្រោយស្រឡៅ ឃុំទន្លេបិត ស្រុកត្បូងឃ្មុំ ខេត្តកំពង់ចាម មករស់នៅខេត្តប៉ៃលិន បានរយៈពេល ១ខែ ក្នុងភូមិប៉ាងរលឹម សង្កាត់អូរតាវ៉ៅ ក្រុងប៉ៃលិន។ ចំណែកប្តីឈ្មោះ លីម អាយុ ៤៣ឆ្នាំ មានស្រុកកំណើតខេត្តស្វាយរៀង ជាកម្មករបើករថយន្តដឹកពោត និងដំឡូងមី ឲ្យថៅកែខាងលើ។
ស្រ្តីរងគ្រោះបានឲ្យដឹងថា ប្តីរបស់គាត់អត់ស្រវឹងស្រានោះទេ ខណៈដែលវាយធ្វើបាបគាត់នោះ ហើយពេលកំពុងតែវាយពុំមាននរណាម្នាក់ជួយចាប់ប្តីគាត់ចេញឡើយ ដោយពួកគេគ្រាន់តែឈរឱបដៃមើល ទុកឲ្យប្តីគាត់វាយដំទាត់ធាក់តាមតែអំពើចិត្ត លុះក្រោយមកគាត់ក៏ស្ទុះរត់រួច មកដាក់ពាក្យប្តឹងសមត្ថកិច្ចស្នងការតែម្តង៕
ចែករំលែកព័តមាននេះ