ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងនគរបាលស្រុកបសេដ្ឋធ្វើការដេញប្រផាប់ចាប់ប្រផីង ខណៈ ដែលជនសង្ស័យខាងលើធ្វើសកម្មភាពលួចម៉ូតូពីមុខផ្ទះរបស់ជនរងគ្រោះ ដែលទុកចោលមិនទាំងដកកូនសោរចេញផងនោះ ជនសង្ស័យឃើញទំនងក៏លួចតែម្តង។ ការឃាត់ខ្លួនជនសង្ស័យលួចម៉ូតូបានកាលពីរសៀលថ្ងៃទី២៦ ខែសីហា ឆ្នាំ២០២៥…
ខេត្តកំពង់ស្ពឺ ៖ ជនសង្ស័យម្នាក់ត្រូវបានកម្លាំងនគរបាលស្រុកបសេដ្ឋធ្វើការដេញប្រផាប់ចាប់ប្រផីង ខណៈ ដែលជនសង្ស័យខាងលើធ្វើសកម្មភាពលួចម៉ូតូពីមុខផ្ទះរបស់ជនរងគ្រោះ ដែលទុកចោលមិនទាំងដកកូនសោរចេញផងនោះ ជនសង្ស័យឃើញទំនងក៏លួចតែម្តង។
ការឃាត់ខ្លួនជនសង្ស័យលួចម៉ូតូបានកាលពីរសៀលថ្ងៃទី២៦ ខែសីហា ឆ្នាំ២០២៥ នៅក្នុងភូមិចារ ឃុំស្វាយចចឹប ស្រុកបសេដ្ឋ ខេត្ដកំពង់ស្ពឺ។
មន្ត្រីនគរបាលខេត្តកំពង់ស្ពឺបាននិយាយឱ្យដឹងថា ជនសង្ស័យដែលឃាត់ខ្លួនបានមានឈ្មោះ អ៉ីម ណុប ភេទប្រុស អាយុ១៧ឆ្នាំមុខរបរមិនពិតប្រាកដ រស់នៅភូមិស្រែមាន់ ឃុំស្រង់ ស្រុកគង់ពិសី ខេត្តកំពង់ស្ពឺ។
ចំណែកម៉ូតូដែលជនសង្ស័យធ្វើសកម្មភាពលួចនោះម៉ាកហុងដា វ៉េវ( HON DA Wave ) ពណ៌ខ្មៅ ស៊េរីឆ្នាំ២០២២ ពាក់ផ្លាកលេខកំពង់ស្ពឺ1V-5324 ដែលម្ចាស់មានឈ្មោះ ថៃ វិច្ឆិកា ភេទប្រុស អាយុ ២០ឆ្នាំ រស់នៅភូមិចារ ឃុំស្វាយចចឹប ស្រុកបសេដ្ឋ ខេត្ដកំពង់ស្ពឺ។
មន្ត្រីនគរបាលខេត្តកំពង់ស្ពឺបាននិយាយឱ្យដឹងថា÷ នៅមុនពេលកើតហេតុនោះគឺម្ចាស់ម៉ូតូបានទុកម៉ូតូរបស់ខ្លួននៅក្រោមផ្ទះ ហើយសោរនៅជាប់និងម៉ូតូ រួចហើយក៏បានឡើងទៅលើផ្ទះបាត់ មួយសន្ទុះក្រោយមកក៏ចុះពីលើផ្ទះ ទើបភ្ញាក់ផ្អើលថា ម៉ូតូរបស់ខ្លួនត្រូវបានចោរលួចក៏នាំគ្នាដើររកនិងរាយការណ៍ទៅសមត្ថកិច្ច ឱ្យជួយអន្តរាគមន៍÷ ដោយមានការដឹកនាំបញ្ជាដ៏ខ្ពង់ខ្ពស់ពី លោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ លោកវរសេនីយ៍ឯក ចន សុភីត អធិការនគរបាលស្រុកបសេដ្ឋ បានដឹកនាំកំលាំងចុះសហការស្រាវជ្រាវករណីបាត់ម៉ូតូម៉ាកហុងដា វ៉េវ( HON DA Wave ) ពណ៌ខ្មៅមួយគ្រឿងស៊េរីឆ្នាំ២០២២ ពាក់ផ្លាកលេខកំពង់ស្ពឺ1V-5324 ដែលចោរបានធ្វេីសកម្មភាពលួចយកពីក្រោមផ្ទះជនរងគ្រោះដែលមានឈ្មោះ ថៃ វិច្ឆិកា ភេទប្រុស អាយុ ២០ឆ្នាំ រស់នៅភូមិចារ ឃុំស្វាយចចឹប ស្រុកបសេដ្ឋ ខេត្ដកំពង់ស្ពឺ កាលពីវេលាម៉ោង១៣និង២០នាទី ថៃ្ងទី២៦ ខែសីហា ឆ្នាំ២០២៥ ។
នៅក្នុងប្រតិបត្ដិការណ៍ភ្លាមៗនោះ កំលាំងនគរបាលបានកំណត់អត្ដសញ្ញាណជនសង្ស័យបានរួចធ្វេីការដេញតាមប្រផាប់ចាប់ប្រផីង រហូតឃាត់ខ្លួនជនសង្ស័យម្នាក់ រួមជាមួយម៉ូតូម៉ាកHONDA WAVE ពណ៌ខ្មៅបានពីឈ្មោះ អ៉ីម ណុប ភេទប្រុស អាយុ១៧ឆ្នាំ មានទីលំនៅភូមិស្រែមាន់ ឃុំស្រង់ ស្រុកគង់ពិសី ខេត្តកំពង់ស្ពឺ ។
ក្រោយឃាត់ខ្លួនជនសង្ស័យបានឆ្លេីយថា ខ្លួនពិតជាបានធ្វេីសកម្មភាពលួចយកម៉ូតូខាងលេីប្រាកដមែន មកពីតែម៉ូតូនេះទុកចោលនៅមុខផ្ទះគ្មានម្ចាស់ថែរក្សានិងមានសោរនៅជាប់ហ្នឹងម៉ូតូទៀត ជាឱកាសល្អ និងមានភាពអំណោយផង ងាយស្រួលលួចយកដោយគ្មានត្រូវប្រេីមធ្យោបាយអ្វីផ្សេងឡេីយ។
ក្រោយប្រតិបត្ដិការរយៈពេល០២ម៉ោង កំលាំងនគរបាលបានដកហូតម៉ូតូម៉ាកហុងដាវ៉េវ( Honda Wave )ពណ៌ខ្មៅប្រគល់ជូនម្ចាស់វិញ។ រីឯជនសង្ស័យជាចោរបានយកមកសាកសួរបំពេញនីតិវិធីនៅអធិការដ្ឋាននគរបាលស្រុកបសេដ្ឋ កសាងសំណុំរឿងចាត់ការបន្តតាមផ្លូវច្បាប់ ៕
ចែករំលែកព័តមាននេះ