រាជធានីភ្នំពេញ៖ ក្រោយពីការចាប់ខ្លួនជនសង្ស័យបានចំនួន១១នាក់ ដែលបានប្រព្រឹត្តបទល្មើសចំនួន៣ករណីផ្សេងគ្នា នាំទៅសាកសួរនិងកសាងសំណុំរឿងរួចរាល់ហើយនោះ នៅវេលាព្រឹកថ្ងៃទី២៦ ខែសីហា ឆ្នាំ២០២៥ លោកវរសេនីយ៍ឯកជឹម សុីថា អធិការនគរបាលខណ្ឌដង្កោបានដឹកនាំកម្លាំងនគរបាលខណ្ឌបញ្ជូនជនសង្ស័យទាំងនោះរួមទាំងវត្ថុងដែលដកហូតបាន…
រាជធានីភ្នំពេញ៖ ក្រោយពីការចាប់ខ្លួនជនសង្ស័យបានចំនួន១១នាក់ ដែលបានប្រព្រឹត្តបទល្មើសចំនួន៣ករណីផ្សេងគ្នា នាំទៅសាកសួរនិងកសាងសំណុំរឿងរួចរាល់ហើយនោះ នៅវេលាព្រឹកថ្ងៃទី២៦ ខែសីហា ឆ្នាំ២០២៥ លោកវរសេនីយ៍ឯកជឹម សុីថា អធិការនគរបាលខណ្ឌដង្កោបានដឹកនាំកម្លាំងនគរបាលខណ្ឌបញ្ជូនជនសង្ស័យទាំងនោះរួមទាំងវត្ថុងដែលដកហូតបាន ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់ ។
នគរបាលខណ្ឌដង្កោបានប្រាប់ឲ្យដឹងថា បទល្មើសទី១ ក្មេងទំនើង១ក្រុមរហស្សនាម«ទឹកអំពៅ» មានគ្នាចំនួន៤០នាក់ ដែលប្រដាប់ដោយដំបងដែកទីប ជិះម៉ូតូចំនួន២០គ្រឿងប្រសេចប្រសាចតាមផ្លូវ បង្កការភ័យខ្លាចដល់ប្រជាពលរដ្ឋ ។ នៅពេលកម្លាំងនគរបាលខណ្ឌដង្កោដេញបង្ក្រាបនិងចាប់ខ្លួន ក៏ត្រូវក្រុមក្មេងទំនើងខាងលើជិះម៉ូតូបុកបណ្ដាលឲ្យនគរបាលខណ្ឌដង្កោ ដួលម៉ូតូរងរបួសធ្ងន់និងស្រា២នាក់ ប៉ុន្តែក្មេងទំនើងនោះ ក៏ត្រូវនគរបាលឃាត់ខ្លួនបានចំនួន០៨នាក់ផងដែរ ។
ហេតុការណ៍នោះបានកើតឡើងកាលពីវេលាម៉ោង០៣ជិតភ្លឺថ្ងៃទី២៤ ខែសីហា ឆ្នាំ២០២៥ នៅតាមផ្លូវបេតុង៥០ម៉ែត្រ ត្រង់ចំណុចក្បែរភ្លើងស្តុបABC ស្ថិតនៅក្នុងភូមិព្រែកថ្លឹង សង្កាត់ជើងឯក ខណ្ឌដង្កោ រាជធានីភ្នំពេញ ។
ក្មេងទំនើងដែលនគរបាលឃាត់ខ្លួនបានទាំង៨នាក់នោះភេទប្រុសទាំងអស់រួមមាន១,ឈ្មោះ ជុំឌី អេវ៉េទីរ៉ូ អាយុ១៥ឆ្នាំ សិស្សថ្នាក់ទី០៩នៅសាលាជា ស៊ីមសាមគ្គី ស្នាក់នៅផ្ទះជួលមុខផ្សារទឹកថ្លា សង្កាត់ទឹកថ្លា ខណ្ឌសែនសុខ ។ ២,ឈ្មោះ ម៉ោង សៀមិញ អាយុ១៥ឆ្នាំ ស្នាក់នៅបុរីអូបែកក្អម សង្កាត់អូរបែកក្អម ខណ្ឌសែនសុខ ។ ៣,ឈ្មោះ សម្បត្តិ ចាន់សុខ អាយុ១៥ឆ្នាំ មុខរបរកម្មករលើកអីវ៉ាន់ មានទីលំនៅភូមិប្រាសាទ ឃុំព្រែកស្លែង ស្រុកកណ្តាលស្ទឹង ខេត្តកណ្តាល ។ ៤,ឈ្មោះ ឌី ឆាលី អាយុ១៧ឆ្នាំ មុខរបរលក់ម្ជូរ ស្នាក់នៅផ្ទះជួល ភូមិដើមចាន់ សង្កាត់ច្បារអំពៅ ខណ្ឌច្បារអំពៅ ។ ៥,ឈ្មោះ សល់ ទ្រីម៉េងហុង អាយុ១៥ឆ្នាំ សិស្សថ្នាក់ទី៨ អនុវិទ្យាល័យហ៊ុនសែនជម្ពូវ័ន មានទីលំនៅភូមិទួលកី សង្កាត់ភ្លើងឆេះរទេះ ខណ្ឌកំបូល ។ ៦,ឈ្មោះ កា រ៉ូសា អាយុ១៥ឆ្នាំ មុខរបររកម្មករដឹងជញ្ជូន ទីលំនៅភូមិស្រែជំរៅ សង្កាត់ចោមចៅទី២ ខណ្ឌពោធិ៍សែនជ័យ ។ ៧,ឈ្មោះ ផាត លឹមហៀង អាយុ១៥ឆ្នាំ មុខរបរកម្មករមើលការងារផ្ទះសំណាក់ មានទីលំនៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ។ ៨,ឈ្មោះ សុខ ផានិត អាយុ១៥ឆ្នាំ មុខរបរនៅផ្ទះ មានទីលំនៅភូមិទ្រា៤ សង្កាត់ស្ទឹងមានជ័យ៣ ខណ្ឌមានជ័យ ។
នគរបាលដដែលបានប្រាប់ឲ្យដឹងបន្ថែមទៀតថា បទល្មើសទី២ មានយុវជនស្ទាវ២នាក់ដើរលេងពេលយប់លាក់ដាវ១ដើមនៅក្នុងកាងបំពង់សុីម៉ាំងម៉ូតូទុកសម្រាប់ការពារខ្លួន ប៉ុន្តែប៉ះចំថ្ងៃស៊យជួបកម្លាំងនគរបាលខណ្ឌដង្កោ កំពុងល្បាត ខណៈនោះដោយមានការសង្ស័យនគរបាលក៏ឃាត់ត្រួតពិនិត្យឃើញដាវខាងលើក៏ចាប់ខ្លួនតែម្ដង ។
ហេតុការណ៍នោះបានកើតឡើង កាលពីវេលាម៉ោង០៥ព្រឹកថ្ងៃទី២៤ ខែសីហា ឆ្នាំ២០២៥ នៅតាមផ្លូវលេខ២១៧ ត្រង់ចំណុចតូបកាហ្វេ យីហោ«នឹកកាហ្វេ» ស្ថិតនៅក្នុងភូមិខ្វា សង្កាត់ដង្កោ ខណ្ឌដង្កោ រាជធានីភ្នំពេញ ។
ជនសង្ស័យខាងលើនោះ១,ឈ្មោះ ច័ន្ទ វិចិត្ត្រា អាយុ១៨ឆ្នាំ ជនជាតិខ្មែរ មុខរបរបុគ្គលិកក្លិបស្នូកឃ័រ ស្នាក់នៅក្នុងក្លិបស្នូកឃ័រ ដែលមានទីតាំងស្ថិតនៅសង្កាត់បឹងសាឡាង ខណ្ឌទួលគោក រាជធានីភ្នំពេញ ។ ២,ឈ្មោះវៃ រដ្ឋា អាយុ១៨ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅបន្ទប់ជួលលេខM9 ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ ។
ដោយឡែកបទល្មើសទី៣ ចោរកម្មលួចម៉ូតូ កើតឡើងកាលពីថ្ងៃទី២១ ខែសីហា ឆ្នាំ២០២៥ វេលាម៉ោង១០និង៤០នាទី នៅត្រង់ចំណុចហាងខារ៉អូខេយីហោ៧៧៧៧ ផ្លូវ២១៧ ស្ថិតនៅភូមិបាគូ សង្កាត់ដង្កោ ខណ្ឌដង្កោ រាជធានីភ្នំពេញ។
ជនសង្ស័យឈ្មោះ យឿន យុ ភេទប្រុស អាយុ១៨ឆ្នាំ មុខរបរកម្មកររោងចក្រ មានទីលំនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ។ ត្រូវម្ចាស់ម៉ូតញឃាត់ខ្លួនបាននៅថ្ងៃទី២៤ ខែសីហា ឆ្នាំ២០២៥ វេលាម៉ោង១៣និង៣០នាទីរសៀល នៅត្រង់ចំណុចផ្ទះគ្មានលេខ ស្ថិតនៅភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
ជនរងគ្រោះឈ្មោះ ដួង សុភាស់ ភេទប្រុស អាយុ៣២ឆ្នាំ មុខរបរ លក់ដូរ មានទីលំនៅផ្ទះលេខC៣៧ ផ្លូវបេតុង ភូមិត្រពាំងរំចេក សង្កាត់ចោមចៅទី១ ខណ្ឌពោធិ៍សែនជ័យរាជធានីភ្នំពេញ។ បាត់បង់ម៉ូតូម៉ាកHONDA DREAM C125 ពណ៌ក្រហម សេរីឆ្នាំ2014 ឡើងតែម2022 ពាក់ស្លាកលេខ ត្បូងឃ្មុំ 1I-0094 លេខតួ និងលេខម៉ាសុីនមិនចាំ១គ្រឿង ៕
ចែករំលែកព័តមាននេះ