រាជធានីភ្នំពេញ ៖ ហេង វិឆ័យ មកពីក្លិបកងពលតូចលេខ៧០ ហាក់ដូចជាមិនទាន់អស់ចិត្តឡើយ ពេលជួប ខុន ចាន់ថន មកពីក្លិបកងពលធំអន្តរាគមន៍លេខ៣ព្រះវិហារ ពីរលើក ចាញ់ពិន្ទុទាំងពីរលើក ទើបលើកនេះគេតាមសងសឹកម្តងទៀតនៅលើសង្វៀនស្ថានីយទូរទស្សន៍ CTN នាថ្ងៃសៅរ៍ ទី១ កុម្ភៈ ក្រោមការឧបត្ថម្ភកម្មវិធីដោយក្រុមហ៊ុនស្រាផែនដី ។
រាជធានីភ្នំពេញ ៖ ហេង វិឆ័យ មកពីក្លិបកងពលតូចលេខ៧០ ហាក់ដូចជាមិនទាន់អស់ចិត្តឡើយ ពេលជួប ខុន ចាន់ថន មកពីក្លិបកងពលធំអន្តរាគមន៍លេខ៣ព្រះវិហារ ពីរលើក ចាញ់ពិន្ទុទាំងពីរលើក ទើបលើកនេះគេតាមសងសឹកម្តងទៀតនៅលើសង្វៀនស្ថានីយទូរទស្សន៍ CTN នាថ្ងៃសៅរ៍ ទី១ កុម្ភៈ ក្រោមការឧបត្ថម្ភកម្មវិធីដោយក្រុមហ៊ុនស្រាផែនដី ។
ការជួបគ្នាចំនួនពីរលើកមុន ហេង វិឆ័យ ទោះបីត្រូវ ខុន ចាន់ថន ព្រមានយ៉ាងចាស់ដៃ ក៏គេនៅតែមិនទាន់រាងចាលដែរ ព្រោះគេគិតថាការបរាជ័យទាំង២លើកនេះ ដោយសារតែគេមិនបានធ្វើការហ្វឹកហាត់ឱ្យបានដិតដល់ និងមើលស្រាលគូប្រកួតពេកប៉ុណ្ណោះ ។ លើកនេះគេសន្យាថានឹងមិនបណ្តោយឱ្យចាញ់ទៀតឡើយ ព្រោះមួយរយៈមកនេះ គេខិតខំប្រឹងប្រែងហ្វឹកហាត់ខ្លាំងណាស់ ប៉ុន្តែទាំងអស់នេះគ្រាន់តែជាពាក្យសម្តីដើម្បីបំភ័យគូប្រកួតប៉ុណ្ណោះ ឯលទ្ធផលនឹងទៅជាយ៉ាងណានោះ មានតែឡើងសង្វៀនប្រកួតជាក់ស្តែងប៉ុណ្ណោះ ទើបអាចដឹងបាន ។ ហេង វិឆ័យ តាមពិតទៅមានប្រៀបទាំងមាឌ និងកម្ពស់ប៉ុន្តែចិត្តរបស់គេតូចខា្លំងណាស់ ឱ្យតែគូប្រកួតវាយត្រូវរាងឈឺសាច់បន្តិច គឺគេលែងហ៊ានចូលតែម្តង ទោះបីស្នៀតប្រយុទ្ធរបស់គេល្អ ទាំងស្នៀតកែង និងជង្គង់សុទ្ធតែអាចប្រើការបានទាំងអស់ក្តី ។ ចំណែក ខុន ចាន់ថន ស្នៀតកែង និងជង្គង់មិនសូវជាពូកែនោះឡើយ តែកុំមើលស្រាលលើស្នៀតកណ្តាប់ដៃ និងជើងរបស់គេឱ្យសោះ ព្រោះស្នៀតទាំងពីរនេះពេលធ្វើការវាយចេញម្តងៗ មិនត្រឹមតែចំគោលដៅបានល្អទេ ថែមទាំងមានទម្ងន់ធ្ងន់ទៀតផង រីឯចិត្តរបស់គេ ក៏សឿងណាស់ដែរ ។
ខុន ចាន់ថន មានស្បែកមុខក្រាស់គួរសម វាយត្រូវល្មមៗគឺមិនងាយឈឺឡើយ ទោះបីយ៉ាងណាលើកនេះគេមិនហ៊ានអួតទុកមុនថាយ៉ាងណានោះទេ មានតែរង់ចាំមើលការប្រកួតជាក់ស្តែងប៉ុណ្ណោះ ។ ក្រៅពីគូចាប់អារម្មណ៍នេះទៅ នៅមានការប្រកួតរវាងកីឡាករ សេង កំសត់ មកពីក្លិបខេមរិន្ទមានឫទ្ធិ ជួបជាមួយកីឡាករ យិន បូរិន មកពីក្លិបកងពលធំអន្តរាគមន៍លេខ៣ ព្រះវិហារ ។ កីឡាករ គឿម សុវណ្ណឌឿត មកពីក្លិបមោងឫស្សីខេត្តបាត់ដំបង ជួបជាមួយកីឡាករ ទឹម សុជាតិ មកពីក្លិបកងរាជអាវុធហត្ថរាជធានីភ្នំពេញ ។ កីឡាករ ហង្ស រស្មី មកពីក្លិបក្រុងប៉ោយប៉ែត ជួបជាមួយកីឡាករ សំណាង ឌីណា មកពីក្លិបបាត់ដំបងពាយ័ព្យ ។
កីឡាករ សូយ ចិន្តា មកពីក្លិបពោធិ៍ជ័យកីឡា ជួបជាមួយកីឡាករ ឈឿន ពិសី មកពីសមាគមកីឡាប្រដាល់ក្រសួងការពារជាតិ និងកីឡាករ វី សុភាព មកពីក្លិបខ្លារខិនមានឫទ្ធិ ជួបជាមួយកីឡាករ គុន សំណាង មកពីក្លិបកងពលធំអន្តរាគមន៍លេខ៣ព្រះវិហារ ៕
ចែករំលែកព័តមាននេះ