រាជធានីភ្នំពេញ ៖ អ្នកប្រដាល់ជើងខ្លាំងកម្ពុជាសូត្រ ខេវិន ដណ្ដើមបានខ្សែក្រវាត់មួយគ្រឿងជាលើកដំបូងនៅលើទឹកដីហុងកុងបន្ទាប់ពីរូបគេបានយកឈ្នះកីឡាករថៃក្នុងជំនួបដណ្ដើមខ្សែក្រវាត់កាលពីថ្ងៃទី៤ ខែកញ្ញា ឆ្នាំ២០២៥ ។ មុនប្រកួតដោយខ្លាចចាញ់កីឡាករថៃឈ្មោះចន នី…
រាជធានីភ្នំពេញ ៖ អ្នកប្រដាល់ជើងខ្លាំងកម្ពុជាសូត្រ ខេវិន ដណ្ដើមបានខ្សែក្រវាត់មួយគ្រឿងជាលើកដំបូងនៅលើទឹកដីហុងកុងបន្ទាប់ពីរូបគេបានយកឈ្នះកីឡាករថៃក្នុងជំនួបដណ្ដើមខ្សែក្រវាត់កាលពីថ្ងៃទី៤ ខែកញ្ញា ឆ្នាំ២០២៥ ។
មុនប្រកួតដោយខ្លាចចាញ់កីឡាករថៃឈ្មោះចន នី កីឡាករសូត្រ ខេវិន ទទួលរងការរិះគន់ពីបុគ្គលមួយចំនួនថា ជាកីឡាករមានសមត្ថភាពអន់បើចេញទៅប្រកួតចាញ់នាំឱ្យអាប់អោនកីឡាគុនខ្មែរ។ ទោះបីជាយ៉ាងណា លោកសំណព្វដែលជាអ្នកដឹកនាំកីឡាករសូត្រ ខេវិន ទៅប្រកួតនៅតែជម្នះនិងបានសន្យាថា នឹងមិនធ្វើឱ្យអ្នកគាំទ្របាក់មុខនោះទេ។ ពេលនេះលទ្ធផលបានចេញជាផ្លូវការហើយគឺកីឡាករសូត្រ ខេវិន របស់កម្ពុជាបានយកឈ្នះកីឡាករថៃឈ្មោះចននី ធ្វើឱ្យកក្រើកសង្វៀននៅលើទឹកដីទីក្រុងហុងកុង និងបាននាំយកខ្សែក្រវាត់១គ្រឿងមកជូនជាតិទៀតផង។
ក្រឡេកមើលការប្រកួតដែលធ្វើឡើងត្រឹមតែ៣ទឹក កីឡាករសូត្រ ខេវិន បានព្យាយាមចូលវាយសម្រុកទៅលើកីឡាករចន នី យ៉ាងសន្ធាប់ ធ្វើឱ្យមានប្រៀបជាងគូប្រកួតតាំងពីដើមទឹកទី១មកម្ល៉េះ ។ ជាពិសេសស្នៀតជើងរបស់គេបានទាត់សំដៅកញ្ចឹងកកីឡាករថៃពេញៗតែម្ដង។
ចូលដល់ទឹកទី២ សូត្រ ខេវិន នៅតែបន្តវាយសម្រុកដោយបានប្រើស្នៀតកែងនិងជង្គង់ដើម្បីបំបាក់កីឡាករថៃរូបនេះមិនឱ្យតដៃរួច។
មិនតែប៉ុណ្ណោះនៅក្នុងទឹកទី៣ សូត្រ ខេវិនបានធ្វើឱ្យកីឡាករថៃចន នីដួលជាញឹកញាប់ទៀតផង ទើបចប់ការប្រកួតចៅក្រមបានកាត់ក្ដីឱ្យសូត្រខេវិន ជាអ្នកឈ្នះ។
មានការលើកឡើងថា កីឡាករសូត្រ ខេវិនមានប្រៀបខាងកម្ពស់ជាហេតុធ្វើឱ្យរូបគេមាន
ភាពងាយស្រួលក្នុងការចូលវាយកែងនិងជង្គង់។
តាមការឱ្យដឹងបន្ថែម មុនចេញទៅប្រកួតកីឡាករសូត្រ ខេវិន បានខិតខំហ្វឹកហាត់ខ្លាំងណាស់ដោយសារនេះជាលើកទី១ហើយសម្រាប់រូបគេ។ ដូច្នេះមិនអាចឱ្យការប្រកួតចាញ់បានឡើយ ៕
ចែករំលែកព័តមាននេះ