ក្រុមជីហាដមួយដែលប្រកាសទទួលខុសត្រូវលើការវាយប្រហារបង្ហូរឈាមជាច្រើននៅអេហ្ស៊ីប បានគំរាមសម្លាប់បុរសខ្លាំងរបស់ប្រទេស គឺប្រមុខកងទ័ពសេនាប្រមុខអាប់ដែល ហ្វាតាហ៍ អាល់ស៊ីសស៊ី ដែលនឹងឈរឈ្មោះជាបេក្ខជនប្រធានាធិបតីអេហ្ស៊ីប ។
ក្រោយការទម្លាក់ប្រធានាធិបតីអ៊ិស្លាមនិយមលោកមូ៉ហាម៉េដ ម័រស៊ី កាលពីថ្ងៃទី៣ កក្កដា ឆ្នាំ២០១៣ ដោយកងទ័ព និងការបង្ក្រាប
ក្រុមជីហាដមួយដែលប្រកាសទទួលខុសត្រូវលើការវាយប្រហារបង្ហូរឈាមជាច្រើននៅអេហ្ស៊ីប បានគំរាមសម្លាប់បុរសខ្លាំងរបស់ប្រទេស គឺប្រមុខកងទ័ពសេនាប្រមុខអាប់ដែល ហ្វាតាហ៍ អាល់ស៊ីសស៊ី ដែលនឹងឈរឈ្មោះជាបេក្ខជនប្រធានាធិបតីអេហ្ស៊ីប ។
ក្រោយការទម្លាក់ប្រធានាធិបតីអ៊ិស្លាមនិយមលោកមូ៉ហាម៉េដ ម័រស៊ី កាលពីថ្ងៃទី៣ កក្កដា ឆ្នាំ២០១៣ ដោយកងទ័ព និងការបង្ក្រាបយ៉ាងបង្ហូរឈាមប្រឆាំងពួកអ្នកគាំទ្រលោក ការវាយប្រហារភេរវកម្មសំដៅលើកងកម្លាំងសន្តិសុខមានការកើនឡើង ។
ក្រុមជីហាដមួយមានទំនាក់ទំនងជាមួយអាល់កៃដា គឺក្រុម ANSAR BEIT AL-MAQDESS ប្រកាសទទួលខុសត្រូវចំពោះការធ្វើឃាតឧត្តមសេនីយ៍ប៉ូលិសម្នាក់កាលពីថ្ងៃទី២៨ មករា ។ លោកម៉ូហាម៉េដ សៃអុីដ ត្រូវសម្លាប់នៅទីក្រុងគែរដោយពួកជនប្រដាប់អាវុធដែលរត់គេចខ្លួនតាមម៉ូតូ ។ មានមូលដ្ឋាននៅឧបទ្វីបស៊ីណៃអុី ក្រុមនោះគំរាមវាយប្រហារសម្លាប់សេនាប្រមុខអាល់ស៊ីសស៊ី និងរដ្ឋមន្ត្រីមហាផ្ទៃ ។
ក្នុងសេចក្តីប្រកាសមួយផ្សាយតាមអុីនធើរណេតរបស់ពួកជីហាដក្រុម ANSAR BEIT AL-MAQDESS ព្រមានថា ការសងសឹកបានមកដល់ហើយ ។រដ្ឋមន្ត្រីមហាផ្ទៃអេហ្ស៊ីបកាលពីខែកញ្ញា ឆ្នាំ២០១៣ បានគេចផុចរួចខ្លួនពីការវាយប្រហារភេរវកម្មមួយនៅទីក្រុងគែរ ដោយក្រុមជីហាដខាងលើអះអាងថា ការវាយប្រហារនោះជាការសងសឹកចំពោះការបង្ក្រាបប្រឆាំងពួកអ្នកគាំទ្រលោកម័រស៊ី ៕
ចែករំលែកព័តមាននេះ