ទីភ្នាក់ងារព័ត៌មានបរទេស កាលពីថ្ងៃទី២៣មករា ផ្សាយថា លោក សេស៊ីល ចាវ មហាសេដ្ឋីហុងកុង អាយុ៧៧ឆ្នាំ ដែលប្រកបមុខជំនួញលើផ្នែកអចលនទ្រព្យ នឹងបន្ថែមប្រាក់រង្វាន់រៀបអាពាហ៍ពិពាហ៍ដល់ទៅទ្វេដង ដើម្បីរកបុរសដ៏សមស្របធ្វើជាគូគ្រងឱ្យកូនស្រី ដែលស្រទ្បាញ់ភេទដូចគ្នា គឺក្នុងរង្វង់ទឹកប្រាក់ដល់ទៅ១៣០លានដុល្លារ ខណៈសំណើរង្វាន់រៀបអាពាហ៍ ។
ពិពាហ៍លើកដំបូង មានចំនួន៦៥លានដុល្លារ និងទាក់ទាញបុរសស្ម័គ្រចិត្តធ្វើជាកូនប្រសាដល់ទៅ២០.០០០នាក់ ប៉ុន្តែត្រូវបរាជ័យ ។ លោក សេស៊ីល ចាវ ធ្លាប់ត្រូវបានសារព័ត៌មានជាច្រើននៅលើពិភពលោក ចុះផ្សាយកាលពី២ឆ្នាំមុន ដោយរូបលោកសម្រេចផ្តល់រង្វាន់ចំនួន៦៥លានដុល្លារ ដល់បុរសណាម្នាក់ ដែលអាចបញ្ចុះបញ្ចូលកូនស្រីរបស់លោកឈ្មោះ ជីជី បានរៀបការ ប៉ុន្តែទីបំផុតមិនបានទទួលជោគជ័យ ធ្វើឱ្យលោកប្រកាសបន្ថែមប្រាក់ទៀត ។ លោក សេស៊ីវ ចាវ បង្ហើបឱ្យដឹងថា រូបលោកមិនចង់រំខានជីវិតផ្ទាល់ខ្លួនរបស់កូនស្រីទេ ប៉ុន្តែក៏សង្ឃឹមថា នាងនឹងបានរៀបអាពាហ៍ពិពាហ៍ហើយមានកូន រួមទាំងបានថែទាំទ្រព្យសម្បត្តិរបស់លោក ។ នាង ជីជី អាយុ៣៣ឆ្នាំ បានបញ្ជាក់ប្រាប់ កាសែតហុងកុងថា នាងមិនបានគិតថាការផ្តល់ប្រាក់រង្វាន់រៀបការរបស់ឪពុកនាងអាចទាក់ទាញបុរសណាម្នាក់ ឱ្យនាងពេញចិត្តទ្បើយ៕
ចែករំលែកព័តមាននេះ