រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីព្រឹកថ្ងៃទី២៣ ខែកក្កដា កម្លាំងសមត្ថកិច្ចនគរបាលខណ្ឌចំការមនបានចាត់បញ្ជូនបុរសជាជនសង្ស័យ២នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណីរកឃើញក្រដាសប្រាក់ប្រមាណជិត៣០ម៉ឺនដុល្លារអាមេរិក ដែលគ្មានប្រភពច្បាស់លាស់ និងអាវុទំនើបខ្លី១ដើមទំនងអត់ច្បាប់ ។…
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា កាលពីព្រឹកថ្ងៃទី២៣ ខែកក្កដា កម្លាំងសមត្ថកិច្ចនគរបាលខណ្ឌចំការមនបានចាត់បញ្ជូនបុរសជាជនសង្ស័យ២នាក់ទៅកាន់សាលាដំបូងរាជធានីភ្នំពេញ ពាក់ព័ន្ធករណីរកឃើញក្រដាសប្រាក់ប្រមាណជិត៣០ម៉ឺនដុល្លារអាមេរិក ដែលគ្មានប្រភពច្បាស់លាស់ និងអាវុទំនើបខ្លី១ដើមទំនងអត់ច្បាប់ ។
ជនសង្ស័យទាំង២នាក់ខាងលើនេះ ក្នុងនោះម្នាក់ឈ្មោះ វ៉ា សុខ ភេទប្រុស អាយុ៣៨ឆ្នាំ មុខរបរអ្នកបើកបររថយន្ត ស្នាក់នៅផ្ទះលេខ២០២E៣ ផ្លូវលេខ១៣០ ភូមិ២ សង្កាត់ផ្សារចាស់ ខណ្ឌដូនពេញ និងម្នាក់ទៀតឈ្មោះ អៀម សំអន អាយុ៣៨ឆ្នាំ មុខរបរជាមន្ត្រីយោធា ស្នាក់នៅផ្ទះគ្មានលេខ ផ្លូវលំ ភូមិប៉ាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ (សមគំនិតទទួលទិញផលចោរកម្ម) ។
ទាក់ទិននឹងការនាំខ្លួនជនសង្ស័យ២នាក់ទៅកាន់សាលាដំបូងរាជធានីភ្នំពេញនោះ ត្រូវបានសមត្តកិច្ចឲ្យដឹងថា ជនសង្ស័យទាំង២នាក់ខាងលើជាប់ពាក់ព័ន្ធបទល្មើស លួចមានស្ថានទម្ងន់ទោស និងគំរាមប្លន់យកប្រាក់ ដែលយោងតាមពាក្យបណ្តឹងរបស់ជនរងគ្រោះឈ្មោះ សំ ឆាយវ៉ាន់ ភេទប្រុស អាយុ៧៨ឆ្នាំ ស្នាក់នៅផ្ទះលេខ៣១ ផ្លូវ២៨៦ ភូមិ២ សង្កាត់អូឡាំពិក ខណ្ឌចំការមន មុខរបរជាប្រធានក្រុមហ៊ុនឆាយវ៉ាន់ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ