វាសនាលោក ឡាយ វណ្ណៈ ពាក់ព័ន្ធអំពើឃាតក.ម្មអ្នកស្រីមេម៉ាយកូន៣ នៅថ្ងៃនេះ (វីដេអូ)
- ភ្នំពេញ
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា វាំងននសំណុំរឿងភ្លោះ (អត្តឃាត ឬឃាតកម្ម) របស់លោក ឡាយ វណ្ណៈ អតីតអភិបាលខេត្តតាកែវ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា វាំងននសំណុំរឿងភ្លោះ (អត្តឃាត ឬឃាតកម្ម) របស់លោក ឡាយ វណ្ណៈ អតីតអភិបាលខេត្តតាកែវ…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា វាំងននសំណុំរឿងភ្លោះ (អត្តឃាត ឬឃាតកម្ម) របស់លោក ឡាយ វណ្ណៈ អតីតអភិបាលខេត្តតាកែវ ពាក់ព័ន្ធការចោទប្រកាន់ចំពោះអំពើឃាតកម្មអ្នកស្រីមេម៉ាយកូន៣ រូបស្រស់នាង ចេវ សុវឌ្ឍនា នាពីព្រឹកថ្ងៃទី២២ ខែកក្កដា ២០១៩នេះ ត្រូវបានបញ្ចប់ទាំងការសាកសួរដេញដោល និងការសន្និដ្ឋានរបស់ក្រុមប្រឹក្សាជំនុំជម្រះជាផ្លូវការហើយ នៅឡើយតែការសម្រេចចុងក្រោយពីសំណាក់ប្រធានក្រុមបឹក្សា ត្រូវផ្តន្ទាទោស ឬដោះលែងជនត្រូវចោទឲ្យមានសេរីភាពវិញ លើសំណុំរឿងភ្លោះមួយនេះ ដែលសាលក្រមនោះ នឹងប្រកាសធ្វើឡើងដល់ថ្ងៃទី២២ ខែសីហា ខាងមុខនេះ ។
ចំពោះលទ្ធផលនៃការសន្និដ្ឋានដែលបានចំណាយពេលពេញមួយព្រឹក លោក ប្លង់ សុផល ព្រះរាជអាជ្ញារង និងជាតំណាងអយ្យការក្នុងអង្គសវនាការលើសំណុំរឿងក្តីមួយនេះ បានបញ្ជាក់ថា ក្រោយពីស្តាប់អង្គសវនាការជាច្រើនលើក និងការសាកសួរដេញដោលតាមទម្រង់ច្បាប់ ការសន្និដ្នានចុងក្រោយរបស់តំណាងអយ្យការ បានសំណូមពរឲ្យប្រធានក្រុមប្រឹក្សាសម្រេចលើរឿងក្តីនេះ និងបានស្នើសុំទៅលោកចៅក្រមចាត់ការតាមគតិយុត្ត ។
ចំណែកមេធាវីការពារក្តីឲ្យជនជាប់ចោទទាំង៤នាក់ ក៏សំណូមពរដល់ប្រធានក្រុមប្រឹក្សាជំនុំជម្រះផងដែរ សុំឲ្យមានការលើកលែងកូនក្តីរបស់លោក ដែលពុំមានជាប់ពាក់ព័ន្ធបទល្មើសណាមួយនោះទេ ក្នុងសំណុំរឿងមិនច្បាស់លាស់ អត្តឃាត ឬឃាតកម្មនេះ ។ ជនជាប់ចោទទាំង៤ គឺ១.ឈ្មោះ ឡាយ វណ្ណ: ២.ឈ្មោះ ឡាយ ណារិទ្ធ ៣.ឈ្មោះ ម៉េន សាម៉ៃ និង៤. ឈ្មោះ ជឹម វុធ ហៅថូត បានលើកដៃប្រណមទទួចអង្វករសំណូមពរសុំឲ្យតុលាការធ្វើការដោះលែងពួកគេមានសេរីភាពវិញ ព្រោះពួកគេពិតជាមិនបានជាប់ពាក់ព័ន្ធក្នុងអំពើឃាតកម្មលើអ្នកស្រី ចេវ សុវឌ្ឍនា នោះទេ ។
ការស្លាប់របស់ជនរងគ្រោះពិតជាអ្នកស្រីមេម៉ាយរូបស្រស់ធ្វើអត្តឃាតចង.កសម្លាប់ខ្លួនមែន ។ យ៉ាងណាក្តី វាំងននសំណុំរឿងក្តី អត្តឃាត ឬឃាតកម្មមួយ លើអ្នកស្រី ចេវ សុវឌឍនា និងឃើញសខ្មៅរយៈពេលពេញមួយខែក្រោយនេះ ។
គួរំលឹកថា អ្នកស្រី ចេវ សុវឌ្ឍនា ត្រូវគេប្រទះឃើញស្លាប់ដោយចង.កនៅក្នុងបន្ទប់គេង នៅផ្ទះជួលដ៏ធំមួយដែលលោក ឡាយ វណ្ណៈ ជាអ្នកជួលឲ្យនៅក្នុងភូមិផ្សារតាកោរ សង្កាត់រការក្នុង ក្រុងដូនកែវ ខេត្តតាកែវ កាលពីល្ងាចថ្ងៃទី២៦ ខែមករា ឆ្នាំ២០១៨កន្លងទៅ ។
ភ្លាមៗករណីនេះ ត្រូវសមត្ថកិច្ចខេត្តតាកែវសន្និដ្ឋានថា ជារឿងអត្តឃាតព្រោះតែវិបត្តិស្នេហា ប៉ុន្ដែក្រោយពីបើកការស្រាវជ្រាវ សមត្ថកិច្ចជំនាញរបស់នាយកដ្ឋានព្រហ្មទណ្ឌក្រសួងមហាផ្ទៃរកឃើញថាករណីខាងលើ មិនមែនជារឿងអត្តឃាតទេ ពោលគឺជារឿងឃាតកម្មទៅវិញ ដោយមានអ្នកបញ្ជា និងរៀបចំទុកដើម្បីសម្លាប់ជនរងគ្រោះ ។
ក្រោយពីបើកការស៊ើប អង្កេត សមត្ថកិច្ចជំនាញឃាត់ខ្លួនជនជាប់ចោទទាំង៤នាក់ខាងលើ និងបញ្ជូនទៅឃុំខ្លួនបណ្តោះអាសន្នរហូតមកដល់ពេលនេះ ។ រាល់ពេលសវនាការលោក ឡាយ វណ្ណៈ ដែលជាជនជាប់ពាក់ព័ន្ធការស្លាប់អ្នកស្រី ចេវ សុវឌ្ឍនា តែងតែបដិសេធថា ខ្លួនមិនមែនជាមនុស្សល្ងង់ខ្លៅដល់ថ្នាក់រៀបចំគំរោងសម្លាប់ស្ត្រីចំណាន់នោះទេ ។
ព័ត៌មានពិស្តារនឹងមានផ្សាយជូននៅលើកាសែតកោះសន្តិភាព ។ (កែសម្រួលដោយ ៖ បុប្ផា)
ចែករំលែកព័តមាននេះ