រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា មុននេះបន្តិចមានករណីបុរសម្នាក់ត្រូវបានអ្នកភូមិប្រទះឃើញដេកស្លាប់លើផ្លូវរថភ្លើង ដែលគេសង្ស័យថា ត្រូវរថភ្លើងបុកស្លាប់រថភ្លើងតែម្តង ដែលករណីនេះត្រូវបានគេប្រទះឃើញបង្កឱ្យមានការភ្ញាក់ផ្អើលកាលពីម៉ោង៧ព្រ្រឹក លុះដល់ម៉ោង១១ព្រឹកទើបរាយការណ៍ប្រាប់សមត្ថកិច្ចឱ្យចុះទៅកន្លែងកើតហេតុ នៅថ្ងៃទី២២ ខែកក្កដា ឆ្នាំ២០១៩ ស្ថិតនៅក្នុងភូមិប្រទះឡាង សង្កាត់ប្រទះឡាង ខណ្ឌកំបូល ។
សេចក្តីរាយការណ៍បន្តថា ជនរងគ្រោះខាងលើនៅមិនទាន់ស្គាល់អត្តសញ្ញាណនៅឡើយទេ ហើយជនរងគ្រោះត្រូវគេសង្ស័យថា ត្រូវរថភ្លើងបុកស្លាប់ ព្រោះជនរងគ្រោះរងបួសបែកក្បាល ពុំមានស្លាកស្នាមដាច់រលាត់នោះទេ។
បើតាមប្រភពពីកន្លែងកើតហេតុបានឱ្យដឹងថា មុនពេលកើតហេតុ កាលពីយប់ថ្ងៃទី២១ គេបានឃើញជនរងគ្រោះដើរក្នុងទិសដៅពីជើងទៅត្បូង តាមលើផ្លូវរថភ្លើង ប៉ុន្តែពុំមាននរណាម្នាក់ចាប់អារម្មណ៍នោះទេ លុះព្រឹកឡើងស្រាប់តែប្រទះឃើញជនគ្រោះថ្នាក់ដេកស្លាប់នៅលើផ្លូវរថភ្លើងនោះបង្កឱ្យមានការភ្ញាក់ផ្អើលតែម្តង ។
ខណៈពេលនេះ សមត្ថកិច្ចកំពុងចុះទៅពិនិត្យកន្លែងកើតហេតុហើយ ហើយដាក់ការសង្ស័យជាជំហានដំបូងថា ជនរងគ្រោះសង្ស័យត្រូវរថភ្លើងបុក ហើយអាចស្លាប់តាំងពីម៉ោង១២យប់ ឬម៉ោង១យប់ម៉្លេះ។ ហើយរហូតមកដល់ពេលនេះជនសង្ស័យនៅមិនទាន់រកឃើញសាច់ញាតិនៅឡើយនោះទេ ។
គួររំលឹកថា ៖ ស្រៀវណាស់! បុរសម្នាក់ដាច់ក្បាលលើផ្លូវរថភ្លើង ផ្អើលខណ្ឌកំបូល
ចែករំលែកព័តមាននេះ