គ្រូបង្វឹកក្លិបសេះបង្កង់ បើកចិត្តឱ្យ Paul Pogba ឃើញពីចិត្តស្រឡាញ់របស់ខ្លួន
តាមប្រភពព័ត៌មាន The Sun បានឱ្យដឹងថា គ្រូបង្វឹកក្លិបសេះបង្កង់ Juventus លោក Maurizio Sarri បានសារភាពថា…
តាមប្រភពព័ត៌មាន The Sun បានឱ្យដឹងថា គ្រូបង្វឹកក្លិបសេះបង្កង់ Juventus លោក Maurizio Sarri បានសារភាពថា…
តាមប្រភពព័ត៌មាន The Sun បានឱ្យដឹងថា គ្រូបង្វឹកក្លិបសេះបង្កង់ Juventus លោក Maurizio Sarri បានសារភាពថា លោកពិតជាស្រឡាញ់ចូលចិត្តកីឡាករ Paul Pogba ណាស់ ។ នៅមុនពេលប្រកួតត្រៀមបើករដូវកាលជាមួយនឹង Tottenham លោក Sarri បានបង្ហើបពីចិត្តស្រឡាញ់ចូលចិត្តរបស់ខ្លួនទៅលើកិឡាករដែលចង់ចេញពីក្លិប Pogba។
កីឡាករ Pogba នៅពេលនេះ មានបំណងចង់ចាកចេញពីក្លិបបិសាចក្រហម ព្រោះតែចង់សាកអ្វីដែលថ្មី និង ធ្វើការអភិវឌ្ឍខ្លួនឯង។ ខាង Man Utd ក៏ចង់លក់ដែរ ក្នុងករណីត្រូវថ្លៃគ្នាត្រឹម ១៥០លានផោន។
ពេលដែលគេសួរអំពី Pogba លោក Sarri ថា៖ “ខ្ញុំចូលចិត្តកីឡាករនេះខ្លាំងណាស់ តែខ្ញុំមិនដឹងពីស្ថានភាពនៅពេលនេះទេ ព្រោះតែខ្ញុំមិនមែនជាប្រធានខាងផ្នែកបច្ចេកទេស។”ក្រៅពីក្លិបសេះបង្កង់ដែលចាប់អារម្មណ៍ Pogba ក្លិបអធិរាជស Real Madrid ចាប់អារម្មណ៍ជាយូរណាស់មកហើយ។ តែគេត្រូវចាំលក់កីឡាករបួននាក់ចេញសិន ទើបអាចមានលុយទិញយក Pogba បាន។ គេពេលនេះដាក់លក់ Isco, Marco, Gareth Bale និង James Rodriguez ដែលសុទ្ធតែលក់មិនទាន់ចេញ។
គួរបញ្ជាក់ផងដែរថា កីឡាករ Paul Pogba ក៏ធ្លាប់លេងឱ្យក្លិប Juventus បាន៤ឆ្នាំដែរ ក្នុងរដូវកាល ២០១២ដល់២០១៦។ ពេលនៅទីនោះ គេបានឡើងលេងដល់ទៅ១៧៨ដង។ តើគេអាចនឹងធ្លាក់ទៅលើ Juventus ម្តងទៀតដែរឬទេ? (សម្រួលដោយ៖ ស្រីណា)
ចែករំលែកព័តមាននេះ