រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានកម្មកររោងចក្រកាត់ដេរ ញូ ហ្វ៊ូម៉ា ខសធ្យូម បានដួលសន្លប់ប្រហែលជា៥០នាក់ ខណៈពេលដែលពួកគេកំពុងតែធ្វើការ ហើយហេតុការណ៍នេះបានកើតឡើងនៅម៉ោង៨និង៣០នាទីព្រឹក…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានកម្មកររោងចក្រកាត់ដេរ ញូ ហ្វ៊ូម៉ា ខសធ្យូម បានដួលសន្លប់ប្រហែលជា៥០នាក់ ខណៈពេលដែលពួកគេកំពុងតែធ្វើការ ហើយហេតុការណ៍នេះបានកើតឡើងនៅម៉ោង៨និង៣០នាទីព្រឹក ថ្ងៃទី២២ ខែកក្កដានេះ ស្ថិតនៅក្នុងភូមិត្រពាំងពោធិ៍សង្កាត់ចោមចៅ៣ ខណ្ឌពោធិ៍សែនជ័យ ។
សេចក្តីរាយការណ៍បានបន្តថា ភ្លាមៗនោះខណៈពេលដែលដួលសន្លប់ត្រូវបានគេបញ្ជូនទៅកាន់មន្ទីរពេទ្យសុខ កែវ នៅភូមិត្រពាំងពោធិ៍ សង្កាត់ចោមចៅ៣ ហើយនឹងបញ្ជូនទៅពេទ្យផ្សេងៗទៀត តែខណៈព្រឹកនេះនៅមិនទាន់ដឹងពីមូលហេតុអ្វីនៅឡើយទេ ។
ដោយកម្មករបាននិយាយថា គាត់កំពុងតែធ្វើការសុខៗស្រាប់តែដួលសន្លប់ជាបន្តបន្ទាប់គ្នាតែម្តង តែនៅមិនទាន់ដឹងមូលហេតុនៃការសន្លប់ទេ គ្រាន់តែមានអាការវិលមុខ ថប់ដង្ហើម ក៏បណ្តាលឲ្យដួលសន្លប់ ហើយអ្នកដែលអត់សន្លប់ក៏បាននាំគ្នារត់ចេញពីរោងចក្រ ដោយរោចចក្របានបិទទ្វារជាបណ្ណោះអាសន្នផងដែរ ៕កែសម្រួលដោយ ៖ សុឃាក់
ចែករំលែកព័តមាននេះ