ការត្រូវកម្តៅថ្ងៃច្រើនពេក អាចធ្វើឱ្យកើតជំងឺមហារីកបាន ប៉ុន្តែបើត្រូវកម្តៅថ្ងៃក្នុងកម្រិតសមល្មម ជួយឱ្យមានសុខភាពល្អ ព្រោះវាធ្វើឱ្យឆ្អឹងរឹងមាំ និងជួយកាត់បន្ថយអត្រាប្រឈមនឹងជំងឺមហារីកបាន ។ កម្តៅថ្ងៃ មានជាតិវីតាមីនដេ គ្រប់គ្រាន់ដែលអាចធ្វើឱ្យអ្នកមានរូបរាងសមសួនផងដែរ ។ ប៉ុន្តែបើពុំចង់ទទួលវីតាមីនពីកម្តៅថ្ងៃ ព្រោះខ្លាចខូចស្បែក អ្នកអាចទទួលទានស៊ុត ឬត្រីវិញក៏បាន ។ រីឯការទទួលទានថ្នាំគ្រាប់វីតាមីនដេ នោះអ្នកគួរប្រយ័ត្នប្រយែង ព្រោះបើទទួលទានលើស វាអាច មានផលអាក្រក់ដល់រាងកាយបាន ។
*គុណសម្បត្តិរបស់ទឹកខ្មេះ
បើសិនជាត្រូវសត្វល្អិតទិចកុំគិតតែពីស្រែកយំ ចូរប្រញាប់យកទឹកខ្មេះស្រោចពីលើស្នាមកន្ទួលនោះគឺវាអាចជួយសម្រាលការចុកចាប់ ការក្តៅផ្សាបាន ។ សូមកុំភ្លេចដាក់ទឹកខ្មេះជាប់ខ្លួន នៅពេលទៅកម្សាន្តនៅសមុទ្រ ឬកន្លែងផ្សេងៗជាដើម ។
*ម្ទេសស្រស់ ស្លឹកម្រះព្រៅ និងខ្ទឹមក្រហម មានឥទ្ធិពលជួយដល់ការរំលាយអាហារ
១-ផ្លែម្ទេសស្រស់
នៅក្នុងទឹកមាត់របស់យើងមានអង់ស៊ីម ដែលជួយរំលាយអាហារដែលម្ទេសនេះហើយគឺជាតួឯករំញោចរាងកាយ បញ្ចេញទឹកមាត់បានកាន់តែច្រើន ។ ក្រៅពីនេះ ភាពហឹរក្តៅនៃម្ទេសអាចធ្វើឱ្យប្រព័ន្ធដុតបំផ្លាញ ធ្វើការងារបានល្អ និងជួយសម្រួលខ្យល់ដែលជាភ្នាក់ងារធ្វើឱ្យហើមពោះ មានដំណើរការធម្មតា ។
២-ស្លឹកម្រះព្រៅ
ជាតិថ្នាំនៅក្នុងស្លឹកម្រះព្រៅ អាចរំញោចទៅដល់រាងកាយឱ្យបញ្ចេញទឹកប្រមាត់មករំលាយអាហារធ្វើឱ្យកាត់បន្ថយបញ្ហាហើមពោះ។ អ្នកដែលចូលចិត្តឆ្កឹះស្លឹកម្រះព្រៅចោល គឺដល់ពេលដែលត្រូវគិតសាជាថ្មីហើយ ។
៣-ខ្ទឹមក្រហម
ខ្ទឹមក្រហម មានសារធាតុជួយដល់ការរំលាយអាហារធ្វើឱ្យប្រព័ន្ធរំលាយអាហារសប្បាយរីករាយ ព្រោះមានជំនួយការយ៉ាងពិសេសនេះ ៕
ចែករំលែកព័តមាននេះ