សណ្ឋាគារ Haneda Excel Hotel Tokyu ដែលភ្ជាប់ទៅនឹងអាកាសយានដ្ឋានអន្តរជាតិ Haneda នៅទីក្រុងតូក្យូទើបតែបានបង្ហាញពីបន្ទប់មួយដែលមានបំពាក់ដោយកាប៊ីនយន្ត ហោះសិប្បនិមិត្តដ៏ធំមួយជាប្រភេទកម្សាន្តសម្រាប់ភ្ញៀវដែលចង់បានបទពិសោធធ្វើជាអ្នកបើកបរយន្តហោះ ។ បន្ទប់នេះបំពាក់ដោយកាប៊ីនយន្ដហោះដែលមានមូលដ្ឋានលើយន្តហោះ Boeing 737-800 នេះបើយោងតាម Kotaku ។
បន្ទប់សណ្ឋាគារនេះមានពីរកញ្ចប់តម្លៃផ្សេងគ្នា ទី១ គឺជួលរយៈពេល៩០នាទីដោយភ្ជាប់មកជាមួយគ្រូបង្រៀនបើកបរដែលមានតម្លៃ២៧៦ដុល្លារ និងកញ្ចប់មួយទៀតជាជម្រើសថោកជាងនេះគឺជាការស្នាក់នៅមួយយប់តម្លៃ២៣២ដុល្លារ ប៉ុន្តែគ្មានគ្រូណែនាំការបើកបរទេ ។
សារព័ត៌មាន Grapee បានរាយការណ៍ថាបន្ទប់សណ្ឋាគារពិសេសនេះត្រូវបានធ្វើឡើងជាផ្នែកមួយនៃការប្រារព្ធពិធីខួបលើកទី១៥របស់សណ្ឋាគារនេះ ។ អ្នកដែលចង់កក់បន្ទប់នេះអាចរកបានតាមគេហទំព័រផ្លូវការរបស់ Haneda Excel Hotel Tokyu ៕ (កែសម្រួលដោយ ៖ បុប្ផា)
ចែករំលែកព័តមាននេះ