ខេត្តបាត់ដំបង ៖ តាមសេចក្តីរាយការណ៍បឋមបានឱ្យដឹងថា តាមមន្ត្រីចរាចរណ៍បានឲ្យដឹងថា យុវជនម្នាក់បានស្លាប់នៅក្នុងហេតុការណ៍គ្រោះថ្នាក់ចរាចរណ៏មួយកើតឡើងរវាងរថយន្តបុកជាមួយម៉ូតូកាលពីវេលាម៉ោង៦និង២០នាទីយប់ថ្ងៃទី១៩ កក្កដា នៅលើផ្លូវជាតិលេខ៥៧B ត្រង់ចំណុចភូមិអូរចំណឹប ឃុំតាស្តា ស្រុកសំពៅលូន ។
មន្ត្រីដដែលបានឲ្យដឹងទៀតថា គ្រោះថ្នាក់ចរាចរណ៍ខាងលើបង្កឡើងដោយរថយន្តមួយគ្រឿងជាប្រភេទដឹកស៊ីទេនហ្គាស LPG ពាក់ស្លាកលេខ ភ្នំពេញ ៣A-៥០២៦ បើកបរដោយឈ្មោះទួន សុអុីម ភេទប្រុស អាយុ៣៦ឆ្នាំ រស់នៅភូមិអូរស្រឡៅ ឃុំវត្តតាមឹម ស្រុកសង្កែ។
សមត្ថកិច្ចបានប្រាប់បន្តថា រថយន្តបង្កនេះបានជ្រុលចង្កូតឆ្លងគំនូសលឿងទៅបុកអ្នកបើកបរម៉ូតូឈ្មោះ សេក សឿន ភេទប្រុស អាយុ២០ឆ្នាំ រស់នៅភូមិអន្លង់ក្រូច ឃុំប៊ួរ ស្រុកភ្នំព្រឹក ខណ:ពេលជនរងគ្រោះកំពុងធ្វើដំណើរក្នុងទិសដៅផ្ទុយគ្នា បណ្ដាលឲ្យស្លាប់នៅកន្លែងកើតហេតុ។
បើតាមរបាយការណ៏របស់សមត្ថកិច្ចបានបញ្ជាក់ថា ក្រោយកើតហេតុ មន្ត្រីជំនាញបានចុះអន្តរាគមន៏ដល់កន្លែងកើតហេតុភ្លាមៗ ហើយថែមទាំងឃាត់ខ្លួនអ្នកបើកបររថយន្តបង្កគ្រោះថ្នាក់ផងដែរ។ ពេលនេះមន្ត្រីចរាចរណ៏បានឃាត់ខ្លួនអ្នកបើកបររថយន្តនិងបានបញ្ជូនទៅកាន់ការិយល័យចរាចរណ៏ខេត្ត ដើម្បីចាត់ការតាមនីតិវិធីហើយ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ