ខ្ញីចាស់ Rivaldo ថា Liverpool នឹងខ្លាំងដូចខ្លាដុះស្លាប បើកីឡាករឆ្នើម១រូបនេះមកវិញ
តាមប្រភពព័ត៌មាន The Sun បានឱ្យដឹងថា អតីតកីឡាករល្បីរបស់ប្រេស៊ីល Rivaldo ជឿជាក់ថា ក្លិបហង្សក្រហម Liverpool នឹងកាន់តែខ្លាំងជាងនេះ…
តាមប្រភពព័ត៌មាន The Sun បានឱ្យដឹងថា អតីតកីឡាករល្បីរបស់ប្រេស៊ីល Rivaldo ជឿជាក់ថា ក្លិបហង្សក្រហម Liverpool នឹងកាន់តែខ្លាំងជាងនេះ…
តាមប្រភពព័ត៌មាន The Sun បានឱ្យដឹងថា អតីតកីឡាករល្បីរបស់ប្រេស៊ីល Rivaldo ជឿជាក់ថា ក្លិបហង្សក្រហម Liverpool នឹងកាន់តែខ្លាំងជាងនេះ ប្រសិនបើ Philippe Coutinho វិលត្រឡប់ ខណៈដែល Coutinho ក៏អាចជោគជ័យនៅ Barcelona ផងដែរ បើទោះបីជាមិនត្រឡប់វិញ។
កីឡាករប្រេស៊ីល Coutinho ទំនងជាទៅលេងឱ្យក្លិបហង្សក្រហមវិញ ព្រោះតែលេងមិនសូវបានល្អ ក្រោយពីមកលេងនៅ Barcelona ក្នុងតម្លៃខ្លួន១៤៥លានផោន កាលពីខែមករាឆ្នាំ២០១៨។
ក្លិប Manchester United និង Chelsea សុទ្ធតែចង់បានកីឡាករអាយុ២៧ឆ្នាំរូបនេះ តែសាម៉ីខ្លួនមិនដាច់ចិត្តពីក្លិបហង្សក្រហម ដែលមានមិត្តចាស់ Jurgen Klopp នោះទេ។ កីឡាករ Barcelona ជើងចាស់ហួសជំនាន់ Rivaldo អាយុ៤៧ឆ្នាំ ជឿជាក់ថា ការដែលមាន Coutinho នៅក្លិប Liverpool នឹងធ្វើឱ្យក្លិបនេះកាន់តែខ្លាំង។
លោកថាប្រសិនបាន Coutinho អាចទ្រាំនឹងសម្ពាធបាន គេនឹងអាចយកពានមកជូនក្លិបហង្សក្រហមជាក់ជាមិនខាន។ លោកបានប្រាប់ទៅកាន់សារព័ត៌មាន BetFair ថា៖«ប្រសិនបើគេសម្រេចចិត្តចូលេងឱ្យ Liverpool វិញ ក្លិបនេះនឹងកាន់តែខ្លាំង។ តែពួកគេពេលនេះជាក្លិបខ្លាំងស្រាប់ ដែលអាចធ្វើឱ្យ Coutinho រងសម្ពាធផ្លូវចិត្តមិនធម្មតា»។
លោកបានបន្តថា៖«វាជារឿងមួយដ៏ពិបាកសម្រាប់ Coutinho ដោយសារតែក្លិបនេះធ្លាប់ជាអ្នកប្រកួតផ្តាច់ព្រ័ត្រ Champions League ហើយក៏ឈ្នះច្រើនរដូវកាលជាប់ៗគ្នា ក្រោយពីគ្មាន Coutinho។ ប្រសិនបើ Coutinho ទៅវិញ គេត្រូវតែប្រាកដថានឹងអាចធ្វើឱ្យក្លិបនេះកាន់តែខ្លាំង ហើយអាចយកពានបានជូនក្លិប»។
បើទោះបីជា Rivaldo គិតបែបនេះក៏ដោយ លោកក៏បានបន្ថែមថា ប្រសិនបើ Coutinho នៅតែបន្តនៅ Barcelona ភាពជោគជ័យក៏នៅតែមាន ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ