តាមប្រភពព័ត៌មាន The Sun បានឱ្យដឹងថា Nacho Monreal បានអះអាងថាមានអារម្មណ៍រីករាយយ៉ាងខ្លាំងពេលដែលបានលេងនៅក្លិបកាំភ្លើងធំ Arsenal បើទោះបីជាក្លិបនេះកំពុងតែចែចង់កីឡាករ Kieran Tierney ពីក្លិប Celtic ក៏ដោយ។
សារព័ត៌មាន SunSport បានរាយការណ៍ថា ក្លិបកាំភ្លើងធំត្រូវបានក្លិប Celtic ច្រានចោលការឱ្យថ្លៃទៅលើកីឡាករ Tierney នាពេលថ្មីៗនេះ។ បើទោះបីជាយ៉ាងនេះក៏ដោយ ក្លិបកាំភ្លើងធំនៅតែមិនបោះបង់ ហើយត្រៀមលុយរួចជាស្រេចសម្រាប់ជះបន្ថែម។
តែសម្រាប់ Monreal ដែលត្រូវបានគេនិយាយគ្រប់គ្នាថានឹងចាកចេញពី Arsenal បានអះអាងថា ខ្លួនពិតចង់នៅលេងឱ្យក្លិបនេះបន្តទៀត។ គេបានប្រាប់ថា៖ «ខ្ញុំគឺជារបស់ Arsenal។ ខ្ញុំមានកុងត្រា និង គំនិតរបស់ខ្ញុំគឺចង់លេងឱ្យក្លិបនេះបន្តទៀត។ ខ្ញុំមិនខ្វល់ពីចំនួនមនុស្សច្រើនក្នុងក្រុមនោះទេ។ Petr Cech បានសម្រេចចិត្តចូលនិវត្តន៍ ហើយយើងក៏បានបាត់បង់ Aaron Ramsey, Stephan Lichsteiner និង Danny Welbeck ផងដែរ។ តែខ្ញុំដឹងថាក្លិបកំពុងតែរកកីឡាករបន្ថែម ហើយខ្ញុំប្រាកដណាស់ថាពួកគេនឹងមកលេង»។
Arsenal មានទំនុកចិត្តខ្ពស់ថាគេនឹងអាចយក Tierney មកកាន់ក្លិបទាល់តែបាន ហើយបានត្រៀមខ្លួនរួចរាល់សម្រាប់ការជះលុយ២០លានផោន សម្រាប់កុងត្រា៥ឆ្នាំ៕
ប្រភព ៖ thesun , កែសម្រួលដោយ ៖ សំណាង
ចែករំលែកព័តមាននេះ